https://sputnik.az/20230203/azerbaycandan-neql-olunan-qaz-tehlukesizlik-teminati-getirib---ruminiya-prezidenti-451372993.html
Azərbaycandan nəql olunan qaz təhlükəsizlik təminatı gətirib - Rumıniya prezidenti
Azərbaycandan nəql olunan qaz təhlükəsizlik təminatı gətirib - Rumıniya prezidenti
Sputnik Azərbaycan
Rumıniya Prezidenti qeyd edib ki, onun ölkəsi CQD-nin Mərkəzi və Cənub-Şərqi Avropada yeni bazarlara daxil ola bilməsi ilə bağlı səylərdə iştirak öhdəliyinə... 03.02.2023, Sputnik Azərbaycan
2023-02-03T22:18+0400
2023-02-03T22:18+0400
2023-02-03T22:18+0400
qaz
neft-qaz
rumıniya
"cənub qaz dəhlizi"
azərbaycan
https://cdnn1.img.sputnik.az/img/07e6/0a/18/447813325_0:159:3076:1889_1920x0_80_0_0_28f63bd80337d2cf7e4f446456268df3.jpg
BAKI, 3 fevral — Sputnik. Avropanın enerji problemləri ilə bağlı suallara cavab həmrəylik, regional əməkdaşlıq, eyni zamanda, mənbə və marşrutların şaxələndirilməsini tələb edir ki, bunlar da Cənub Qaz Dəhlizi kimi layihələrdə öz əksini tapmış əsas prinsiplərdir. Bunu Rumıniya Prezidenti Klaus Yohannis fevralın 3-də Bakıda Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarında çıxışında deyib. "2022-ci ildə hamımız görünməmiş enerji problemləri ilə üzləşdik: qaz qıtlığı və ya münasib qiymətə qaz mənbələrinin olmaması, qiymətlərin dəyişməsi və s. Bu çağırışlar mürəkkəb siyasət və tənzimləyici dəyişikliklər tələb edirdi. Azərbaycandan Cənub Qaz Dəhlizi vasitəsilə nəql olunan qaz regionumuzun bir çox dövlətlərinin qaz bazarına stabillik və təhlükəsizlik təminatı gətirib. Xəzər qazının Avropa bazarı üçün əlçatanlığı ilə bağlı Azərbaycanın, şəxsən Prezident İlham Əliyev tərəfindən verilən təminatlar bazarlar üçün kritik bir zamanda çox ehtiyac duyulan sabitliyi və proqnozlaşdırıla bilənliyi təmin edib. Avropa İttifaqı ilə Azərbaycan arasında 2022-ci ilin iyulunda imzalanmış enerji sahəsində Strateji Tərəfdaşlığa dair Anlaşma Memorandumunun bağlanması Cənub Qaz Dəhlizinin Aİ-nin mənbələrin şaxələndirilməsində mühüm element kimi rolunun daha da təqdir edilməsinə yol açıb", - Rumıniya Prezidenti çıxışında vurğulayıb. Rumıniya Prezidenti qeyd edib ki, onun ölkəsi CQD-nin Mərkəzi və Cənub-Şərqi Avropada yeni bazarlara daxil ola bilməsi ilə bağlı səylərdə iştirak öhdəliyinə zəmanət verib. "Biz həm də artan daxili istehlakımızı ödəmək üçün Xəzər qazının əlavə həcmində maraqlı olaraq qalırıq", - o əlavə edib. Prezident vurğulayıb ki, Rumıniya qaz nəqli potensialının inkişafına, eyni zamanda, qonşu ölkələrlə əlaqəyə böyük sərmayələr qoyub. Təbii qazın dekarbonizasiya prosesinə keçiddə vacib əhəmiyyətini qeyd edən Rumıniya dövlət başçısı Avropa İttifaqı daxilində Rumıniyanın təbii qaz və nüvə enerjisinin karbonsuz iqtisadiyyata keçid prosesində əsas texnologiyalar kimi daxil edilməsi üçün fəal şəkildə kampaniya apardığını xatırladıb:O deyib ki, ölkəsi həm enerji istehsalı üçün mövcud potensialından istifadə etməklə, həm də transsərhəd enerji nəqliyyatı infrastrukturu vasitəsilə regionda enerji əməkdaşlığını təşviq etmək öhdəliyinə sadiqdir:"Bu baxımdan mühüm nümunə Prezident İlham Əliyevin 2022-ci il dekabrın 17-də Buxarestə səfəri zamanı imzalanmış Azərbaycan, Gürcüstan, Rumıniya və Macarıstan hökumətləri arasında yaşıl enerjinin inkişafı və təchizatı sahəsində Strateji Tərəfdaşlıq Sazişidir. Müqaviləyə əsasən, Qara dənizdə yaşıl elektrik enerjisi üçün sualtı kabeli inkişaf etdirəcəyik, Avropanın enerji təhlükəsizliyinə dəyərli töhfə verəcəyik. Avropa İttifaqı ilə onun üzvü olan dövlətlər, digər tərəfdən isə Azərbaycan arasında enerji sahəsində əməkdaşlıq strateji prioritetə malikdir və bazar məntiqi bunu tələb edir. İcazə verin, ölkəmin ümumi çağırışlara, xüsusən də ümumi enerji təhlükəsizliyimizə davamlı həll yollarını tapmaq istiqamətində regional əməkdaşlığa güclü və davamlı sadiqliyimizə sizi əmin edim".
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2023
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
qaz, rumıniya, "cənub qaz dəhlizi", azərbaycan
qaz, rumıniya, "cənub qaz dəhlizi", azərbaycan
Azərbaycandan nəql olunan qaz təhlükəsizlik təminatı gətirib - Rumıniya prezidenti
Rumıniya Prezidenti qeyd edib ki, onun ölkəsi CQD-nin Mərkəzi və Cənub-Şərqi Avropada yeni bazarlara daxil ola bilməsi ilə bağlı səylərdə iştirak öhdəliyinə zəmanət verib.
BAKI, 3 fevral — Sputnik. Avropanın enerji problemləri ilə bağlı suallara cavab həmrəylik, regional əməkdaşlıq, eyni zamanda, mənbə və marşrutların şaxələndirilməsini tələb edir ki, bunlar da Cənub Qaz Dəhlizi kimi layihələrdə öz əksini tapmış əsas prinsiplərdir.
Bunu Rumıniya Prezidenti Klaus Yohannis fevralın 3-də Bakıda Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarında çıxışında deyib.
"2022-ci ildə hamımız görünməmiş enerji problemləri ilə üzləşdik: qaz qıtlığı və ya münasib qiymətə qaz mənbələrinin olmaması, qiymətlərin dəyişməsi və s. Bu çağırışlar mürəkkəb siyasət və tənzimləyici dəyişikliklər tələb edirdi. Azərbaycandan Cənub Qaz Dəhlizi vasitəsilə nəql olunan qaz regionumuzun bir çox dövlətlərinin qaz bazarına stabillik və təhlükəsizlik təminatı gətirib.
Xəzər qazının Avropa bazarı üçün əlçatanlığı ilə bağlı Azərbaycanın, şəxsən Prezident İlham Əliyev tərəfindən verilən təminatlar bazarlar üçün kritik bir zamanda çox ehtiyac duyulan sabitliyi və proqnozlaşdırıla bilənliyi təmin edib. Avropa İttifaqı ilə Azərbaycan arasında 2022-ci ilin iyulunda imzalanmış enerji sahəsində Strateji Tərəfdaşlığa dair Anlaşma Memorandumunun bağlanması Cənub Qaz Dəhlizinin Aİ-nin mənbələrin şaxələndirilməsində mühüm element kimi rolunun daha da təqdir edilməsinə yol açıb", - Rumıniya Prezidenti çıxışında vurğulayıb.
Rumıniya Prezidenti qeyd edib ki, onun ölkəsi CQD-nin Mərkəzi və Cənub-Şərqi Avropada yeni bazarlara daxil ola bilməsi ilə bağlı səylərdə iştirak öhdəliyinə zəmanət verib. "Biz həm də artan daxili istehlakımızı ödəmək üçün Xəzər qazının əlavə həcmində maraqlı olaraq qalırıq", - o əlavə edib.
Prezident vurğulayıb ki, Rumıniya qaz nəqli potensialının inkişafına, eyni zamanda, qonşu ölkələrlə əlaqəyə böyük sərmayələr qoyub. Təbii qazın dekarbonizasiya prosesinə keçiddə vacib əhəmiyyətini qeyd edən Rumıniya dövlət başçısı Avropa İttifaqı daxilində Rumıniyanın təbii qaz və nüvə enerjisinin karbonsuz iqtisadiyyata keçid prosesində əsas texnologiyalar kimi daxil edilməsi üçün fəal şəkildə kampaniya apardığını xatırladıb:
"Rumıniya hazırda Avropada mühüm karbohidrogen istehsalçısıdır və bu rolu Qara dənizdə artıq kəşf edilmiş qaz ehtiyatları ilə inkişaf etdirmək niyyətindəyik. Bundan əlavə, 2026-2027-ci illərdə əhəmiyyətli əlavə həcmlər mövcud olacaq. Rumıniya Avropanın enerji təhlükəsizliyinə və dayanıqlığına daha çox töhfə verə biləcək".
O deyib ki, ölkəsi həm enerji istehsalı üçün mövcud potensialından istifadə etməklə, həm də transsərhəd enerji nəqliyyatı infrastrukturu vasitəsilə regionda enerji əməkdaşlığını təşviq etmək öhdəliyinə sadiqdir:
"Bu baxımdan mühüm nümunə Prezident İlham Əliyevin 2022-ci il dekabrın 17-də Buxarestə səfəri zamanı imzalanmış Azərbaycan, Gürcüstan, Rumıniya və Macarıstan hökumətləri arasında yaşıl enerjinin inkişafı və təchizatı sahəsində Strateji Tərəfdaşlıq Sazişidir. Müqaviləyə əsasən, Qara dənizdə yaşıl elektrik enerjisi üçün sualtı kabeli inkişaf etdirəcəyik, Avropanın enerji təhlükəsizliyinə dəyərli töhfə verəcəyik. Avropa İttifaqı ilə onun üzvü olan dövlətlər, digər tərəfdən isə Azərbaycan arasında enerji sahəsində əməkdaşlıq strateji prioritetə malikdir və bazar məntiqi bunu tələb edir. İcazə verin, ölkəmin ümumi çağırışlara, xüsusən də ümumi enerji təhlükəsizliyimizə davamlı həll yollarını tapmaq istiqamətində regional əməkdaşlığa güclü və davamlı sadiqliyimizə sizi əmin edim".
