https://sputnik.az/20230202/naxcivanin-sabiq-prokuroru-hebs-edilib-bas-prokurorluqdan-aciqlama-451334876.html

Naxçıvanın sabiq prokuroru həbs edilib? Baş Prokurorluqdan açıqlama

Naxçıvanın sabiq prokuroru həbs edilib? Baş Prokurorluqdan açıqlama

Sputnik Azərbaycan

Baş Prokurorluq Naxçıvan Muxtar Respublikasının sabiq prokuroru Səbuhi Şahverdiyevin həbsi barədə yayılan informasiyalara münasibət bildirib. 02.02.2023, Sputnik Azərbaycan

2023-02-02T12:29+0400

2023-02-02T12:29+0400

2023-02-02T12:36+0400

naxçıvan

cəmiyyət

https://cdnn1.img.sputnik.az/img/42395/16/423951662_0:0:3105:1748_1920x0_80_0_0_1e1ac7b6ca4c5f81fa09587eec6dedfe.jpg

BAKI, 2 fevral — Sputnik. Baş Prokurorluq Naxçıvan Muxtar Respublikasının sabiq prokurorunun həbs edilməsi barədə məlumatları təkzib edib. Qurumun Mətbuat Xidmətindən Report-a bildirilib ki, bəzi media qurumları tərəfindən Naxçıvan Muxtar Respublikasının sabiq prokuroru Səbuhi Şahverdiyevin guya həbs olunması ilə bağlı həqiqətə uyğun olmayan məlumatlar yayılmışdı. "Qeyd edilən məlumatlar tərəfimizdən təkzib edilir. Müvafiq dövlət qurumu ilə dəqiqləşdirilməmiş, eləcə də ictimaiyyətdə çaşqınlıq yaratmağa yönəlmiş məlumatların yayılmasının qanunvericiliklə qadağan olması bir daha media qurumları və sosial şəbəkə istifadəçilərinin nəzərinə çatdırılır", - məlumatda qeyd olunub. Xatırladaq ki, yanvarın 31-də Naxçıvanın Penitensiar Xidmətinin rəisi, ədliyyə general-mayoru Tofiq Etibar oğlu Həsənov həbs edilib. General-mayor vəzifə səlahiyyətlərindən sui-istifadə etməklə xüsusilə külli miqdarda mənimsəmədə və rüşvət almada şübhəli bilinib. Tofiq Həsənov Dövlət Təhlükəsizliyi Xidmətinin İstintaq Baş İdarəsində davam edən cinayət işi üzrə saxlanılıb. Onun barəsində həbs qətimkan tədbiri seçilməsi ilə bağlı istintaq orqanı tərəfindən vəsatət Səbail rayon Məhkəməsinə göndərilib. Məhkəmə vəsatəti təmin edib və Tofiq Həsənov barəsində 4 aylıq həbs qətimkan tədbiri seçilib.

2023

xəbərlər

ru_AZ

naxçıvan