CƏMİYYƏT
Cəmiyyətin həyatında baş verən aktual hadisələr

Azərbaycanda əsasən nədən zəhərlənirlər? Statistika

© Sputnik / Konstantin Mihalchevskiy / Mediabanka keçidxəstəxana
xəstəxana - Sputnik Azərbaycan, 1920, 02.02.2023
Abunə olmaq
Kliniki Tibbi Mərkəzə zəhərlənmə ilə bağlı müraciət edənlərdən dördü dünyasını dəyişib.
BAKI, 2 fevral — Sputnik. Yanvar ayı ərzində Kliniki Tibbi Mərkəzə (KTM) zəhərlənmə ilə bağlı 1161 nəfər müraciət edib.
Mərkəzin Mətbuat xidmətindən Sputnik Azərbaycan-a verilən məlumata görə, onlardan 128-i Toksikologiya şöbəsinə qəbul edilib, digərlərinə isə ilkin tibbi yardım göstərilərək evə buraxılıb.
Bildirilib ki, qəbul olan xəstələrdən 59-u dərmandan, 20-si sirkə turşusundan, 18-i dəm qazından, 11-i alkoqollu içkidən zəhərlənib: "Digərlərindən 4-ü anaflaksiya, 11-i allergik reaksiya, 5-i isə botulizm səbəbindən xəstəxanaya yerləşdirilib. Zəhərlənən şəxslərin 54-ü qadın, 48-i kişi, 26-sı isə uşaq olub. Həkimlərin səylərinə baxmayaraq, 1 nəfər dərman zəhərlənməsindən, 1 nəfər sirkə turşusundan, 1 nəfər metil spirtindən, 1 nəfər isə dəm qazından dünyasını dəyişib. Dünyasını dəyişən şəxslərdən 3-ü kişi, 1-i qadındır".
Xəbər lenti
0