DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Fransanı bürüyən kütləvi etirazların miqyası böyüyür - VİDEO

© Sputnik / Dominic Buten / Mediabanka keçidFransa
Fransa - Sputnik Azərbaycan, 1920, 31.01.2023
Abunə olmaq
Fransanın Daxili İşlər Nazirliyi mümkün toqquşmalara qarşılıq ölkə üzrə təxminən 11 min polis əməkdaşını xidmətə səfərbər edib, onlardan 4 minini Parisdə yerləşdirib.
BAKI, 31 yanvar — Sputnik. Fransada pensiya islahatına qarşı etirazlar, tətillər və nümayişlər davam edir.
Fransa mətbuatının məlumatına görə, Fransada pensiya yaşının artırılmasına qarşı növbəti kütləvi etirazlar keçirilir. Etirazlar pensiya yaşının 62-dən 64-ə qaldırılmasına görə başlayıb.
Bu gün ölkədə ictimai nəqliyyat və təhsil sahəsində çalışanlar etirazlara qoşulduğu üçün milyonlarla vətəndaş alternativ nəqliyyat vasitələri tapmalı, evdən işləməli və ya məktəb yaşlı uşaqlarına baxmaq üçün vaxt ayırmalı olub.
Paris metrosu və şəhərətrafı dəmir yolu xidmətləri ciddi şəkildə məhdudlaşdırılıb.
Fransanın Daxili İşlər Nazirliyi mümkün toqquşmalara qarşılıq ölkə üzrə təxminən 11 min polis əməkdaşını xidmətə səfərbər edib, onlardan 4 minini Parisdə yerləşdirib.
"Le Parisien" qəzetinin məlumatına görə, Parisdəki yürüşə 2018-ci ildə başlayan "Sarı jiletlilər" hərəkatının 1000-1200 fəalı qatılacaq.
Xatırladaq ki, yanvarın 19-da ölkədə təqaüd yaşının qaldırılmasına qarşı keçirilən aksiyalarda təqribən 1,1 milyon insan iştirak edib.
Xəbər lenti
0