DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Cənubi Koreya ucuz Rusiya kömürünü almağa başlayıb

© Sputnik / Виталий Тимкив / Mediabanka keçidkömür
kömür - Sputnik Azərbaycan, 1920, 31.01.2023
Abunə olmaq
"Argus Russian coal"ın hesabatına görə, Rusiya 2022-ci ildə Cənubi Koreyaya kömür tədarükünü 24% artırıb.
BAKI, 31 yanvar — Sputnik. Rusiya endirimlər sayəsində 2022-ci ildə Cənubi Koreyaya kömür tədarükünü 24% artıraraq (26,5 milyon tona qədər) bazarın əsas oyunçusu olan Avstraliyanı geridə qoyub.
Bu barədə "Kommersant" "Argus Russian coal" hesabatına istinadən qeyd edib.
Cənubi Koreya 2022-ci ilin ortalarından etibarən hər ay təxminən iki milyon ton idxal edərək Rusiyanın ucuz kömürünü almağa başlayıb. Bu arada, 2022-ci ilin nəticələrinə görə, Avstraliyadan Cənubi Koreyaya hər növ kömür idxalı 2021-ci illə müqayisədə 25% azalıb.
Rusiya Cənubi Koreyanı dost olmayan ölkələr sırasına daxil edir. Ekspertlər bildirirlər ki, buna baxmayaraq, tədarükün artması endirimlər, rahat çatdırılma müddətləri və sərfəli fraxt tarifləri hesabına mümkün olub. Dekabrın sonunda FOB şərtləri ilə 6000 kkal olan Avstraliya kömürünün bir tonu 409,5 dollar, Rusiya kömürünün qiyməti isə iki dəfə ucuz (bir ton üçün 224 dollar) olub.
Bu növ yanacağın əsas istehlakçılarının yerləşdiyi Asiya bazarlarında kömür qiymətləri qışda tələbatın azalması və Avropada enerji böhranının zəifləməsi səbəbindən bir neçə aylıq minimuma enir. İndoneziya və Avstraliya dünyada kömür ixracına görə liderdir. Rusiya isə üçüncü yerdə qərarlaşıb.
Xəbər lenti
0