Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Tarix Muzeyinin fonduna XX əsrin əvvəllərinə aid eksponat daxil olub

© SputnikXaçmaz Tarix-Diyarşünaslıq Muzeyi
Xaçmaz Tarix-Diyarşünaslıq Muzeyi - Sputnik Azərbaycan, 1920, 26.01.2023
Abunə olmaq
Gəlinciyin başında buta formalı iri gümüş alınlıq, boğazında sıxılmış firuzədən mavi muncuqları, qara-pişikgözü və gümüş muncuqlu bəzəyi var.
BAKI, 26 yanvar — Sputnik. Milli Azərbaycan Tarix Muzeyinin fonduna XX əsrin əvvəllərinə aid "Qodu" gəlinciyi daxil olub.
Bu barədə Tarix Muzeyindən məlumat verilib. Qeyd olunub ki, XX əsrin əvvəllərinə aid olan gəlincik əl işidir. Gəlincik mis boru üzərində formalaşdırılaraq, üz cizgiləri saplarla tikilib, bəzədilməsində isə milli geyim nümunələri və başqa bəzək əşyalarından istifadə edilib. Üst geyimində zoğalı və yaşıl rəngli zərxara parçadan arxalıq, bel geyimində 5 qat müxtəlif parçalardan tuman geyindirilib.
Gəlinciyin başında buta formalı iri gümüş alınlıq, boğazında sıxılmış firuzədən mavi muncuqları, qara-pişikgözü və gümüş muncuqlu bəzəyi var. Əllərinə səsli qumrovlar, örtük üzərindən başın arxa hissəsinə də təbii daşlar tikilib.
Muzeyin Etnoqrafiya fonduna yeni daxil olan belə gəlinciklərdən vaxtilə zəngin ailələrin uşaqları da oyuncaq kimi istifadə ediblər.
Xəbər lenti
0