SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Rusiya XİN-dən Aİ missiyasına reaksiya: regiona geosiyasi qarşıdurma gətirə bilər

© AP Photo / Olivier Matthys
Aİ  - Sputnik Azərbaycan, 1920, 26.01.2023
Abunə olmaq
Rusiya Xarici İşlər Nazirliyinin məlumatında bildirilib ki, Aİ Cənubi Qafqazda sülhün əldə olunmasında maraqlı olsaydı, Azərbaycanla öz missiyalarının fəaliyyətinin şərtlərini razılaşdırardılar.
BAKI, 26 yanvar — Sputnik. Avropa İttifaqı nümayəndələrinin Ermənistanın sərhədyanı rayonlarında peyda olması mövcud ziddiyyətləri daha da gücləndirə və regiona geosiyasi qarşıdurma gətirə bilər. Bu barədə cümə axşamı Rusiya Xarici İşlər Nazirliyinin yaydığı məlumatda deyilir.
"ABŞ və NATO-nun əlavəsinə çevrilmiş, MDB məkanında qarşıdurma siyasəti yürüdən Avropa İttifaqının nümayəndələrinin Ermənistanın sərhədyanı rayonlarında peyda olması regiona yalnız geosiyasi qarşıdurma gətirə və mövcud ziddiyyətləri daha da gərginləşdirə bilər", - nazirlikdən bildiriblər.
Xarici İşlər Nazirliyi məlumatında vurğulanıb ki, Rusiya Federasiyası Aİ-nin "ekspertləri"nin Ermənistan-Azərbaycan sərhədində baş verənləri izləmələrində heç bir "əlavə dəyər" görmür.
"Əgər Brüssel səmimi qəlbdən Cənubi Qafqazda sülhün əldə olunmasında maraqlı olsaydı, onlar Azərbaycanla öz missiyalarının fəaliyyətinin şərtlərini razılaşdırardılar", - deyə Rusiya XİN-dən bildirilib.
XİN Xarici İşlər Nazirliyi - Sputnik Azərbaycan, 1920, 25.01.2023
AZƏRBAYCAN XƏBƏRLƏRİ
Rəsmi Bakı növbəti dəfə Ermənistana xəbərdarlıq edib
Xəbər lenti
0