Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Rusiya və Azərbaycan arasında yükdaşımaların 80 faizi Azərbaycanın payına düşür

© Sputnik / Murad OrujovSamur keçid məntəqəsi
Samur keçid məntəqəsi - Sputnik Azərbaycan, 1920, 24.01.2023
Xəbərlərə abunə olun
НовостиTelegram
Yerüstü Nəqliyyat Agentliyinin rəhbəri bildirib ki, ötən il yük avtomobillərinin Azərbaycandan Rusiyaya girişi üçün 11400 icazə alınıb.
BAKI, 24 yanvar — Sputnik. Rusiya və Azərbaycan arasında yükdaşımaların 80%-i Azərbaycan, 20%-i isə Rusiya daşıyıcılarının payına düşür. Bunu Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev parlamentin İqtisadi siyasət, sənaye və sahibkarlıq komitəsinin bugünkü iclasında deyib.
O qeyd edib ki, Türkiyədən Rusiyaya daşınmalarda da Azərbaycanın payı var. A.Rzayevin sözlərinə görə, bu rəqəm 30%-ə bərabərdir.
O əlavə edib ki, ötən il yük avtomobillərinin Azərbaycandan Rusiyaya girişi üçün 11400 icazə alınıb. Bu il bu rəqəmin 20 minə çatacağı gözlənilir.
Xatırladaq ki, 2022-ci ildə Azərbaycan ilə Rusiya arasında ticarət dövriyyəsində artım müşahidə edilir. Azərbaycanın Dövlət Gömrük Komitəsinin məlumatlarına əsasən, 2022-ci ilin yanvar-noyabr aylarında Azərbaycan ilə Rusiya arasında ticarət dövriyyəsi 3 milyard 264 milyon 444 min dollar təşkil edib. Bu da ötən ilin eyni dövrü ilə müqayisədə 22,9 faiz çoxdur.
Xəbər lenti
0