https://sputnik.az/20230123/meshur-sirket-olkemizde-obyektlerin-reqemsal-xeritesinin-yaradilmasina-destek-gosterecek-450927569.html

Məşhur şirkət ölkəmizdə obyektlərin rəqəmsal xəritəsinin yaradılmasına dəstək göstərəcək

Məşhur şirkət ölkəmizdə obyektlərin rəqəmsal xəritəsinin yaradılmasına dəstək göstərəcək

Sputnik Azərbaycan

Dövlət Vergi Xidməti dislokasiya prosesinin qısa müddətdə həyata keçirilməsi üçün sahibkarlıq subyektlərini vergi orqanları əməkdaşlarına zəruri köməkliyin... 23.01.2023, Sputnik Azərbaycan

2023-01-23T11:13+0400

2023-01-23T11:13+0400

2023-01-23T11:29+0400

rəqəmsal

iqtisadiyyat

kömək

zəruri tədbirlər

https://cdnn1.img.sputnik.az/img/07e5/04/17/426770691_0:0:3072:1728_1920x0_80_0_0_0bc16e1f627606cb232b12dcedc3f525.jpg

BAKI, 23 yanvar — Sputnik. Azərbaycan İqtisadiyyat Nazirliyi yanında Dövlət Vergi Xidməti (DVX) Türkiyənin "4MAPS BİLGİ TEKNOLOJİLERİ" MMC ilə birlikdə vergi ödəyicilərinin, onların filial, nümayəndəlik və ya digər təsərrüfat subyektlərinin (obyektlərinin), nəzarət-kassa aparatlarının uçotunu aparacaq. Bu barədə DVX xəbər verir. Məlumata görə, bu proseslərə Əmlak Məsələləri Dövlət Xidməti də cəlb ediləcək. "Məlum olduğu kimi, vergi ödəyicilərinin, onların filial, nümayəndəlik və ya digər təsərrüfat subyektlərinin (obyektlərinin), nəzarət-kassa aparatlarının uçotunu aparmaq Dövlət Vergi Xidmətinin vəzifələrinə aid edilib. Qeyd olunan vəzifələrin həyata keçirilməsi, o cümlədən sahibkarlıq sahəsində şəffaf və rəqabətli mühitin yaradılması, qanunsuz sahibkarlığın aradan qaldırılması və məsafədən nəzarət imkanlarının genişləndirilməsi məqsədilə Dövlət Vergi Xidməti İqtisadiyyat Nazirliyi yanında Əmlak Məsələləri Dövlət Xidmətinin dəstəyi ilə respublika ərazisində fəaliyyət göstərən sahibkarlıq subyektlərinə məxsus təsərrüfat subyektlərinin (obyektlərinin) dislokasiyasını və toplanmış məlumatların dürüstləşdirilərək rəqəmsal xəritə infrastrukturunu işlənməsini təmin edəcək", - məlumatda deyilir. Dislokasiya prosesləri zamanı Vergi Məcəlləsinin 33.2-ci maddəsinin tələblərinə uyğun, olduğu ünvan üzrə vergi uçotuna alınmalı olan filial, nümayəndəlik və ya digər təsərrüfat subyektlərində (obyektlərində) aşağıdakı 3 istiqamətdə məlumatların toplanması və dəqiqləşdirilməsi həyata keçiriləcək: - təsərrüfat subyektlərində (obyektlərində) fəaliyyət göstərən şəxslərin vergi uçotuna alınması və məlumatlarının dəqiqləşdirilməsi; - təsərrüfat subyektlərinin (obyektlərinin) faktiki məlumatlarının dürüstlüyü (ünvanı, coğrafi koordinatları, sahəsi, mülkiyyətçisi və ya istifadəçisinə dair məlumatlar, fəaliyyət istiqamətləri və s.); - təsərrüfat subyektlərinin (obyektlərinin) fəaliyyətinin vergi qanunvericiliyinin tələblərinə cavab verməsi vəziyyəti. "Dislokasiya tədbirləri Dövlət Vergi Xidmətinin əməkdaşları tərəfindən həyata keçiriləcək. Prosesə obyektlərin elektron xəritəsinin yaradılması üzrə zəruri texniki biliklərə malik olan "4MAPS BİLGİ TEKNOLOJİLERİ" MMC-nin əməkdaşları mütəxəssis qismində cəlb ediliblər. Məlumatda deyilir ki, Dövlət Vergi Xidməti dislokasiya prosesinin qısa müddətdə həyata keçirilməsi üçün sahibkarlıq subyektlərini vergi orqanları əməkdaşlarına zəruri köməkliyin göstərilməsinə dəvət edir.

2023

xəbərlər

ru_AZ

rəqəmsal, kömək, zəruri tədbirlər