CƏMİYYƏT
Cəmiyyətin həyatında baş verən aktual hadisələr

Evli kişinin xəyanətini göstərən əlamətlər hansılardır - Psixoloq rəyi

© Sputnik / Сергей Пятаков / Mediabanka keçidKafedə görüş, arxiv şəkli
Kafedə görüş, arxiv şəkli - Sputnik Azərbaycan, 1920, 21.01.2023
Abunə olmaq
Mütəxəssisin sözlərinə görə, əgər partnyorunuz xarici görünüşünə daha çox fikir verməyə başlayırsa, onda yeni vərdişlər meydana çıxırsa, bu, onun kənarda əlaqəsinin olduğunu düşünməyə əsas verir.
BAKI, 21 yanvar - Sputnik. Kişinin nikahda xəyanətini göstərən əlamətlər barədə "Moslenta"ya rusiyalı psixoloq, konfliktoloq, özünə hörmət və şəxsi inkişaf üzrə təlimçi, şəxsiyyətlərarası ünsiyyət sahəsində mütəxəssis Kseniya Dyomina danışıb.
Onun sözlərinə görə, əgər partnyorun ailədən kənarda hansısa əlaqəsi varsa, siz onun telefonunu götürmək istəyəndə o, kəskin və kobud reaksiya verəcək:

"Belə partnyorlar qadceti (telefonu) heç vaxt nəzarətsiz qoymur. Əlverişsiz vaxtda gələn bəzi zənglərə qısaca cavab verir və sizin qarşınızda özünə haqq qazandırmağa çalışır - "Səhv düşüblər" deyir".

Bundan başqa, mütəxəssisin sözlərinə görə, xəyanət edən kişinin xərcləri kəskin şəkildə artır və ya “maaşı kəsilir”. Xüsusilə bayramlar ərəfəsində pulla bağlı daimi problemlər yaşayır.
Dyomina onu da əlavə edib ki, belə hallarda partnyorun davranışı tez-tez dəyişir. Belə ki, o, öz günahlarını hədiyyələr və sürprizlərlə yumağa çalışır, yaxud da əksinə, əsəbi olur və özünə qapanır.

“Bu halda partnyor xarici görünüşünə daha çox fikir verməyə başlayır, onda yeni vərdişlər meydana çıxır. İntim yaxınlıqda da dəyişikliklər baş verir: ya kəskin surətdə azalır, ya da həddən artıq çoxalır. Bütün bu əlamətlər kişinin başqa qadınının olduğunu düşünməyə əsas verir”, - deyə psixoloq fikrini yekunlaşdırıb.

Xəbər lenti
0