https://sputnik.az/20230116/kiraye-menzillerle-bagli-yeni-qerar-450707597.html

Kirayə mənzillərlə bağlı yeni qərar

Kirayə mənzillərlə bağlı yeni qərar

Sputnik Azərbaycan

Deputat bildirib ki, yeni güzəştlər fond tərəfindən təqdim edilən kirayə evlərin xərcinin azalmasına gətirib çıxaracaq. 16.01.2023, Sputnik Azərbaycan

2023-01-16T14:00+0400

2023-01-16T14:00+0400

2023-01-16T14:00+0400

kirayə mənzil

cəmiyyət

bakı

sumqayıt

https://cdnn1.img.sputnik.az/img/42272/51/422725189_0:178:3325:2048_1920x0_80_0_0_9b16a7d4d150709ae9d6b8a289363ae4.jpg

BAKI, 16 yanvar — Sputnik. "Vergi Məcəlləsi"nə edilən son dəyişikliklərə əsasən İpoteka və Kredit Zəmanət Fondu tərəfindən yaşayış sahələrinin kirayəçilərə təqdim edilməsi əməliyyatı ƏDV-dən azad edilir. Söhbət kirayə üzrə əməliyyatın 18.0 faizlik vergidən azad edilməsindən gedir. Artıq bu qaydalar yanvar ayından qüvvəyə minib. Yeni güzəştlər fond tərəfindən təqdim edilən kirayə evlərin xərcinin azalmasına gətirib çıxaracaq. Sputnik Azərbaycan-ın məlumatına görə, bu fikirləri deputat, iqtisadçı Vüqar Bayramov öz "Facebook" sosial şəbəkə hesabında bildirib. O qeyd edib ki, qanundakı dəyişikliklər həmin mənzillərin daha aşağı qiymətlərlə kirayə təklif olunmasına səbəb ola bilər. Kirayə mənzillər İpoteka və Kredit Zəmanət Fondu tərəfindən 3 ildən 25 ilədək 2013-cü il 1 yanvar tarixindən sonra inşa edilən binalarda mənzilləri satın almaq məqsədilə təqdim edilir: "Yəni, vətəndaş kirayə pulunu ödədikdən sonra mənzilə sahib olur. Bu zaman vətəndaşın son ödəniş tarixinə yaşı 70-dən çox olmamalıdır və mənzillərin dəyəri manatla ödənilir. İndiyədək satmaq öhdəliyi ilə kirayə mexanizmi çərçivəsində 2970 vətəndaşla kirayə müqaviləsi bağlanıb. Vergi güzəştləri fonunda mənzillərin kirayə qiymətlərinin azalması baş verərsə, daha çox vətəndaşımızın bu imkandan yararlanmasına səbəb ola bilər. Belə ki, indiyədək bu mənzillərə sahib olmada aylıq ödəniş məbləğinin yüksək olması əsas maneə kimi dəyərləndirilirdi. Mənzillər Bakı ilə yanaşı, Sumqayıtda da təklif olunur. Bu ay Sumqayıtda 208 mənzil satın almaq məqsədilə kirayəyə təklif olunacaq. Mənzil seçimi yanvarın 18-dən başlayacaq. Vergi güzəştlərinin mənzillərin xərcinə təsir edəcəyi istisna edilmir". Xatırladaq ki, Vergi Məcəlləsinin tələblərinə əsasən, Fond tərəfindən yaşayış sahələrinin satmaq öhdəliyi ilə kirayə verilməsi əməliyyatı ƏDV-nin vergitutma obyekti hesab edilir. Bu hal isə vətəndaşların aylıq ödənişlərinin artmasına və nəticə etibarilə əhalinin mənzil əlçatanlığının aşağı düşməsinə, habelə bu mexanizmin səmərəliliyinin azalmasına gətirib çıxara bilər. Bu baxımdan, Fondun satmaq öhdəliyi ilə kirayə mexanizminin mahiyyətini və yaradılması məqsədlərini, həmçinin sosial yönümlülüyünü nəzərə alaraq, qeyd olunan əməliyyatın ƏDV-dən azad edilməsi nəzərdə tutulub. Təklif olunan güzəşt bu mexanizmin daha da təkmilləşməsinə, o cümlədən vətəndaşların yaşayış sahələrinə tələbatının ödənilməsi və əlçatanlığın təmin edilməsinə öz töhfəsini verəcək.

2023

xəbərlər

ru_AZ

kirayə mənzil, bakı, sumqayıt