https://sputnik.az/20230113/azerbaycan-xezerde-hele-de-boyuk-qaz-potensialina-malikdir---wood-mackenzie-450645722.html
Azərbaycan Xəzərdə hələ də böyük qaz potensialına malikdir - "Wood Mackenzie"
Azərbaycan Xəzərdə hələ də böyük qaz potensialına malikdir - "Wood Mackenzie"
Sputnik Azərbaycan
Azərbaycan uzun müddətdir beynəlxalq bazarların etibarlı neft tədarükçüsünə, 2020-ci ildən isə Avropa İttifaqının qaz ixracatçısına çevrilib. 13.01.2023, Sputnik Azərbaycan
2023-01-13T22:34+0400
2023-01-13T22:34+0400
2023-01-13T22:34+0400
qaz
neft-qaz
tanap
socar
https://cdnn1.img.sputnik.az/img/07e6/0a/18/447813365_0:168:3046:1881_1920x0_80_0_0_2fdfe476424fd1c2c7e63ffd058ee073.jpg
BAKI, 13 yanvar — Sputnik. "Xəzər dənizinin Azərbaycan sektoru hələ də əlavə qaz ehtiyatlarının aşkarlanması üçün böyük potensiala malikdir". Bu barədə "Wood Mackenzie" Beynəlxalq Konsaltinq Şirkətinin Xəzər sektoru və Avropa üzrə baş analitiki Eşli Şerman deyib. O qeyd edir ki, yaxın bir neçə ildə SOCAR-ın perspektivli "Babək" strukturunda qazılacaq quyular bunu bir daha sübut edə bilər: "Lakin ortamüddətli prioritet artıq kəşf edilmiş, lakin işlənilməyən qaz ehtiyatlarının kommersiyalaşdırılması olaraq qalmalıdır. Bura "Abşeron" yatağından tutmuş "Azəri-Çıraq-Günəşli"nin (AÇG) dərinlikdə yerləşən qaz yataqlarına və "Şahdəniz"də əsas məhsuldar lay olan Fasilə layının altındakı ehtiyatlara qədər tammiqyaslı işlənmə daxildir". Onun sözlərinə görə, yalnız bu, Azərbaycanın qaza olan daxili tələbatını idxaldan asılı olmadan ödəməyə, eləcə də ixracını əhəmiyyətli dərəcədə artırmağa imkan verəcək. "Azərbaycan uzun müddətdir beynəlxalq bazarların etibarlı neft tədarükçüsünə, 2020-ci ildən isə Avropa İttifaqının qaz ixracatçısına çevrilib. Avropanın enerji şaxələndirilməsinə artan ehtiyacı Azərbaycan üçün, xüsusən də Cənubi Avropada uzunmüddətli kommersiya və strateji imkanlar açır", - o fikrini tamamlayıb. Qeyd edək ki, hazırda Azərbaycan qazının Avropaya tədarükü Bakı-Tbilisi-Ərzurum qaz kəməri, Trans-Anadolu qaz kəməri (TANAP) və Trans-Adriatik qaz kəmərini (TAP) özündə birləşdirən Cənub Qaz Dəhlizi (SGC) vasitəsilə həyata keçirilir. TANAP vasitəsilə Azərbaycandan Türkiyəyə ildə 16 milyard kubmetrə qədər təbii qaz tədarük olunur ki, bunun 6 milyard kubmetri Türkiyə üçün nəzərdə tutulub, qalan 10 milyard kubmetr isə TAP vasitəsilə Avropa İttifaqına tədarük edilir. Azərbaycanın Energetika Nazirliyinin məlumatına görə, 2022-ci ildə respublikadan təbii qaz ixracının ümumi həcmi 18% artaraq 22,3 milyard kubmetr təşkil edib. (Report)
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
qaz, tanap, socar
Azərbaycan Xəzərdə hələ də böyük qaz potensialına malikdir - "Wood Mackenzie"
Azərbaycan uzun müddətdir beynəlxalq bazarların etibarlı neft tədarükçüsünə, 2020-ci ildən isə Avropa İttifaqının qaz ixracatçısına çevrilib.
BAKI, 13 yanvar — Sputnik. "Xəzər dənizinin Azərbaycan sektoru hələ də əlavə qaz ehtiyatlarının aşkarlanması üçün böyük potensiala malikdir".
Bu barədə "Wood Mackenzie" Beynəlxalq Konsaltinq Şirkətinin Xəzər sektoru və Avropa üzrə baş analitiki Eşli Şerman deyib.
O qeyd edir ki, yaxın bir neçə ildə SOCAR-ın perspektivli "Babək" strukturunda qazılacaq quyular bunu bir daha sübut edə bilər:
"Lakin ortamüddətli prioritet artıq kəşf edilmiş, lakin işlənilməyən qaz ehtiyatlarının kommersiyalaşdırılması olaraq qalmalıdır. Bura "Abşeron" yatağından tutmuş "Azəri-Çıraq-Günəşli"nin (AÇG) dərinlikdə yerləşən qaz yataqlarına və "Şahdəniz"də əsas məhsuldar lay olan Fasilə layının altındakı ehtiyatlara qədər tammiqyaslı işlənmə daxildir".
Onun sözlərinə görə, yalnız bu, Azərbaycanın qaza olan daxili tələbatını idxaldan asılı olmadan ödəməyə, eləcə də ixracını əhəmiyyətli dərəcədə artırmağa imkan verəcək.
"Azərbaycan uzun müddətdir beynəlxalq bazarların etibarlı neft tədarükçüsünə, 2020-ci ildən isə Avropa İttifaqının qaz ixracatçısına çevrilib. Avropanın enerji şaxələndirilməsinə artan ehtiyacı Azərbaycan üçün, xüsusən də Cənubi Avropada uzunmüddətli kommersiya və strateji imkanlar açır", - o fikrini tamamlayıb.
Qeyd edək ki, hazırda Azərbaycan qazının Avropaya tədarükü Bakı-Tbilisi-Ərzurum qaz kəməri, Trans-Anadolu qaz kəməri (TANAP) və Trans-Adriatik qaz kəmərini (TAP) özündə birləşdirən Cənub Qaz Dəhlizi (SGC) vasitəsilə həyata keçirilir. TANAP vasitəsilə Azərbaycandan Türkiyəyə ildə 16 milyard kubmetrə qədər təbii qaz tədarük olunur ki, bunun 6 milyard kubmetri Türkiyə üçün nəzərdə tutulub, qalan 10 milyard kubmetr isə TAP vasitəsilə Avropa İttifaqına tədarük edilir.
Azərbaycanın Energetika Nazirliyinin məlumatına görə, 2022-ci ildə respublikadan təbii qaz ixracının ümumi həcmi 18% artaraq 22,3 milyard kubmetr təşkil edib. (Report)
