Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

Ağcabədidə toy yasa döndü

© Sputnik / Reshad Rashidov İsmayıllı-Muğanlı yolunda vəziyyət
 İsmayıllı-Muğanlı yolunda vəziyyət - Sputnik Azərbaycan, 1920, 09.01.2023
Xəbərlərə abunə olun
НовостиTelegram
Məlumata görə, hadisəyə "VAZ 2107"nin idarəetmədən çıxaraq eyni istiqamətdə hərəkət edən yük maşınına çırpılması səbəb olub.
BAKI, 9 yanvar — Sputnik. Ağcabədi rayonunda toya gedənlər yol qəzasına düşüb, üç nəfər ölüb. Hadisə Mingəçevir-Bəhramtəpə yolunun rayonun Xocavənd kəndi ərazisindən keçən hissəsində qeydə alınıb.
Belə ki, "VAZ 2107" markalı avtomobil "Mercedes Atego" markalı yük maşınına çırpılıb. Nəticədə "VAZ"da olan sərnişinlərdən 1999-cu il təvəllüdlü Nağıyev Uğur Məhəmməd oğlu, onun bacısı, Nağıyeva Əziz Məhəmməd qızı və onun həyat yoldaşı, Nağıyev Yasin Ənvər oğlu aldığı xəsarətlərdən vəfat edib.
Sürücü, 1993-cü il təvəllüdlü Nağıyev Yusif Məhəmməd oğlu və digər sərnişin Nağıyeva Təranə Mahmud qızı ağır vəziyyətdə xəstəxanaya yerləşdirilib.
Məlumata görə, hadisəyə "VAZ 2107"nin idarəetmədən çıxaraq eyni istiqamətdə hərəkət edən yük maşınına çırpılması səbəb olub. Dəhşətli qəzaya düşən ailə üzvləri Beyləqan istiqamətində toya gedirmiş.
Faktla bağlı araşdırmalar aparılır.
Daha bir hadisə isə Ağcabədinin Rəncbərlər kəndi ərazisində qeydə alınıb. Toy karvanına daxil olan "VAZ 2107" markalı avtomobil " Mercedes" markalı yük maşını ilə toqquşub. Qəza nəticəsində minik avtomobilində olan 2 nəfər ölüb, 3 nəfər müxtəlif dərəcəli xəsarətlər alıb.
Faktla bağlı araşdırma aparılır. Qeyd edək ki, ölən və xəsarət alan şəxslər toya gedirmişlər.
Xəbər lenti
0