CƏMİYYƏT
Cəmiyyətin həyatında baş verən aktual hadisələr

Azərbaycanda beş faydalı qazıntı yatağı hərraca çıxarılır

© Sputnik / Aleksandr Kondratyuk / Mediabanka keçidMədən, arxiv şəkli
Mədən, arxiv şəkli - Sputnik Azərbaycan, 1920, 06.01.2023
Abunə olmaq
Hərracda iştirak etmək istəyənlər hərrac haqqında elanda qeyd оlunan müvafiq sənədlər toplusunu təqdim etməlidirlər.
BAKI, 6 yanvar — Sputnik. İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi və Ekologiya və Təbii Sərvətlər Nazirliyi Dövlət Mineral Xammal Ehtiyatlarından İstifadə Agentliyi tərəfindən fevralın 15-də yerin təkinin istifadəyə verilməsi üzrə növbəti hərrac keçiriləcək.
Agentlikdən verilən məlumata görə, hərracda 3 lot üzrə Xızıda yerləşən "Şurabad" qum yatağı, Balakəndə 1 lot üzrə "Göyəmtala" gil yatağı, Qazaxda hər biri 3 lot üzrə "Aşağı Salahlı" gil və "Daş Salahlı-III" sement xammalı yataqları, Ağstafada 2 lot üzrə "Acıdərə" vulkan külü yatağı satışa çıxarılacaq. Hərracda iştirak etmək üçün tələb olunan sənədlərin siyahısı Agentliyin və ya Əmlak Məsələləri Dövlət Xidmətinin rəsmi internet səhifələrində yerləşdirilib.
Hərracda iştirak etmək üçün iddiaçılar hərrac haqqında elanda qeyd оlunan müvafiq sənədlər toplusunu təqdim etməli, xidmət haqqı və beh məbləğini ödəməlidirlər. Hərracda xarici ölkələrin hüquqi və fiziki şəxsləri də iştirak edə bilər.
Açıq hərrac İqtisadiyyat Nazirliyi yanında Əmlak Məsələləri Dövlət Xidmətinin Əmlak Xidmətləri Məkanında saat 11-də keçiriləcək.
Xəbər lenti
0