https://sputnik.az/20221227/daha-bir-dovlet-qurumu-t-resurslarini-hokumet-buluduna-kocurur-450076866.html
Daha bir dövlət qurumu İT resurslarını "Hökumət buludu"na köçürür
Daha bir dövlət qurumu İT resurslarını "Hökumət buludu"na köçürür
Sputnik Azərbaycan
Bakı və Yevlaxda yerləşən 2 Data Mərkəzinə malik olan "AzInTelecom" MMC Azərbaycan və Cənubi Qafqaz regionunda "TIER III" Beynəlxalq uyğunluq sertifikatına... 27.12.2022, Sputnik Azərbaycan
2022-12-27T14:13+0400
2022-12-27T14:13+0400
2022-12-27T14:14+0400
dövlət qurumu
cəmiyyət
bulud
hökumət
https://cdnn1.img.sputnik.az/img/42110/18/421101830_0:248:3072:1976_1920x0_80_0_0_6f9cb4e303b75ac1751efa6fb0753cfc.jpg
BAKI, 26 dekabr — Sputnik. "Azərişıq" Açıq Səhmdar Cəmiyyəti xidmətlərin əlçatanlığının və dayanıqlığının təmin edilməsi məqsədilə "Hökumət buludu"na miqrasiya çərçivəsində İT sistem və resurslarını "AzInTelecom" MMC-yə məxsus Data Mərkəzinə köçürür. Qeyd edək ki, Azərbaycan Respublikasının Prezidenti İlham Əliyevin "Hökumət buludu"nun (G-cloud) yaradılması və "bulud" xidmətlərinin göstərilməsi sahəsində tədbirlər haqqında" 3 iyun 2019-cu il tarixli 718 nömrəli Fərmanının icrası məqsədilə "Dövlət informasiya sistemlərinin və ehtiyatlarının "Hökumət buludu"na Keçid Planı" həyata keçirilir. Keçid planına əsasən dövlət qurumları ilə qarşılıqlı işlər davam etdirilir. "Azərişıq" ASC-nin ilkin mərhələdə "Hökumət buludu"na miqrasiyanın təmin edilməsi məqsədilə təqdim edilən İnfrastruktur (IaaS – İnfrastructure as a Service) və Rezervlənmə (BaaS – Backup as a Service) bulud xidmətlərini əldə etməsi ilə bağlı razılıq əldə edilib. Qurum informasiya sistemlərini "AzInTelecom" MMC-yə məxsus Data Mərkəzində yerləşdirməklə kritik infrastrukturunun fəaliyyət göstəricilərinin yüksəldilməsi, məlumatların təhlükəsiz saxlanılması üçün xərclərin azaldılması kimi üstünlüklər qazanıb. Həmçinin dövlət qurumu rezervləmə xidmətinin çevik və sadə formada həyata keçirilməsi üçün "Veeam" platforması ilə təmin edilib. Bu platforma İT sistemlərini "AzInTelecom" MMC-yə məxsus Data Mərkəzinə miqrasiya edən qurumların virtual maşınlar üzrə məlumatların ehtiyat nüsxələrini planlaşdırılmış şəkildə tənzimləməyə, həmçinin datanın dənəli, yəni hissə-hissə nüsxələnməsinə imkan yaradır. Eyni zamanda, "Veeam" platformasından istifadə edərkən buludda rezervlənmiş məlumatları rahat və çevik şəkildə bərpa etmək mümkündür. Qeyd edək ki, dövlət qurumlarının "Hökumət buludu"na miqrasiyası ilə cari İT xərclərinin azalması və informasiya sistemlərinin məhsuldarlığının artırılması ilə bərabər, informasiya sistemlərinin təhlükəsizliyinin daha da təkmilləşdirilməsinə, sabit və dayanıqlı İT infrastrukturuna, operativ koordinasiya ilə yüksək keyfiyyətli servis təminatı və 24/7 monitorinq xidmətinə nail olunur. Bakı və Yevlaxda yerləşən 2 Data Mərkəzinə malik olan "AzInTelecom" MMC Azərbaycan və Cənubi Qafqaz regionunda "TIER III" Beynəlxalq uyğunluq sertifikatına malik ilk qurumdur.
Sputnik Azərbaycan
media@sputniknews.com
+74956456601
MIA „Rossiya Segodnya“
2022
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
dövlət qurumu, bulud, hökumət
dövlət qurumu, bulud, hökumət
Daha bir dövlət qurumu İT resurslarını "Hökumət buludu"na köçürür
14:13 27.12.2022 (Yenilənib: 14:14 27.12.2022) Bakı və Yevlaxda yerləşən 2 Data Mərkəzinə malik olan "AzInTelecom" MMC Azərbaycan və Cənubi Qafqaz regionunda "TIER III" Beynəlxalq uyğunluq sertifikatına malik ilk qurumdur
BAKI, 26 dekabr — Sputnik. "Azərişıq" Açıq Səhmdar Cəmiyyəti xidmətlərin əlçatanlığının və dayanıqlığının təmin edilməsi məqsədilə "Hökumət buludu"na miqrasiya çərçivəsində İT sistem və resurslarını "AzInTelecom" MMC-yə məxsus Data Mərkəzinə köçürür.
Qeyd edək ki, Azərbaycan Respublikasının Prezidenti İlham Əliyevin "Hökumət buludu"nun (G-cloud) yaradılması və "bulud" xidmətlərinin göstərilməsi sahəsində tədbirlər haqqında" 3 iyun 2019-cu il tarixli 718 nömrəli Fərmanının icrası məqsədilə "Dövlət informasiya sistemlərinin və ehtiyatlarının "Hökumət buludu"na Keçid Planı" həyata keçirilir. Keçid planına əsasən dövlət qurumları ilə qarşılıqlı işlər davam etdirilir.
"Azərişıq" ASC-nin ilkin mərhələdə "Hökumət buludu"na miqrasiyanın təmin edilməsi məqsədilə təqdim edilən İnfrastruktur (IaaS – İnfrastructure as a Service) və Rezervlənmə (BaaS – Backup as a Service) bulud xidmətlərini əldə etməsi ilə bağlı razılıq əldə edilib.
Qurum informasiya sistemlərini "AzInTelecom" MMC-yə məxsus Data Mərkəzində yerləşdirməklə kritik infrastrukturunun fəaliyyət göstəricilərinin yüksəldilməsi, məlumatların təhlükəsiz saxlanılması üçün xərclərin azaldılması kimi üstünlüklər qazanıb.
Həmçinin dövlət qurumu rezervləmə xidmətinin çevik və sadə formada həyata keçirilməsi üçün "Veeam" platforması ilə təmin edilib.
Bu platforma İT sistemlərini "AzInTelecom" MMC-yə məxsus Data Mərkəzinə miqrasiya edən qurumların virtual maşınlar üzrə məlumatların ehtiyat nüsxələrini planlaşdırılmış şəkildə tənzimləməyə, həmçinin datanın dənəli, yəni hissə-hissə nüsxələnməsinə imkan yaradır. Eyni zamanda, "Veeam" platformasından istifadə edərkən buludda rezervlənmiş məlumatları rahat və çevik şəkildə bərpa etmək mümkündür.
Qeyd edək ki, dövlət qurumlarının "Hökumət buludu"na miqrasiyası ilə cari İT xərclərinin azalması və informasiya sistemlərinin məhsuldarlığının artırılması ilə bərabər, informasiya sistemlərinin təhlükəsizliyinin daha da təkmilləşdirilməsinə, sabit və dayanıqlı İT infrastrukturuna, operativ koordinasiya ilə yüksək keyfiyyətli servis təminatı və 24/7 monitorinq xidmətinə nail olunur.
Bakı və Yevlaxda yerləşən 2 Data Mərkəzinə malik olan "AzInTelecom" MMC Azərbaycan və Cənubi Qafqaz regionunda "TIER III" Beynəlxalq uyğunluq sertifikatına malik ilk qurumdur.
