https://sputnik.az/20221223/diplomatlarin-yalniz-dovlet-mevacibi-sosial-sigorta-ve-vergiye-celb-olunacaq-449966249.html

Diplomatların yalnız dövlət məvacibi sosial sığorta və vergiyə cəlb olunacaq

Diplomatların yalnız dövlət məvacibi sosial sığorta və vergiyə cəlb olunacaq

Sputnik Azərbaycan

Komitə sədri bildirib ki, təklif olunan dəyişikliklər diplomatik xidmətdə çalışan vətəndaşların sosial vəziyyətini xeyli yaxşılaşdıracaq. 23.12.2022, Sputnik Azərbaycan

2022-12-23T20:23+0400

2022-12-23T20:23+0400

2022-12-23T20:23+0400

sığorta

cəmiyyət

vergi məcəlləsi

layihə

sosial

musa quliyev

https://cdnn1.img.sputnik.az/img/42318/91/423189110_0:44:2000:1169_1920x0_80_0_0_340da7a39cbb8cce0712519f5356b849.jpg

BAKI, 23 dekabr — Sputnik. "Diplomatik nümayəndələrin sosial müdafiəsi gücləndirilir". Bunu Milli Məclisin bu gün keçirilən iclasında "Sosial sığorta haqqında" qanuna dəyişikliyin müzakirəsi zamanı parlamentin Sosial siyasət komitəsinin sədri Musa Quliyev deyib. Musa Quliyev bildirib ki, təklif olunan dəyişikliklər diplomatik xidmətdə çalışan vətəndaşların sosial vəziyyətini xeyli yaxşılaşdıracaq: "Burada yeni müavinətlər təsis olunur. Çalışdıqları ölkənin sosial iqtisadi inkişaf səviyyəsinə uyğun olaraq fərqləndirici əmsallar veriləcək. Sosial sığorta haqlarından da bu yeni müavinətlər, əmsallar azad olunacaq". Qeyd edək ki, Azərbaycan Respublikasının diplomatik nümayəndəliyində və ya konsulluğunda işləyən diplomatik xidmət əməkdaşlarının, diplomatik xidmət orqanlarının inzibati-texniki xidmətini həyata keçirən şəxslərin yalnız dövlət məvacibi sosial sığorta və vergiyə cəlb olunacaq. Bu, Milli Məclisin bu gün keçirilən iclasında müzakirəyə çıxarılan "Sosial sığorta haqqında" qanuna və Vergi Məcəlləsinə təklif olunan dəyişikliklərdə əksini tapıb. "Sosial sığorta haqqında" qanuna təklif edilən dəyişikliyə əsasən, Azərbaycan Respublikasının diplomatik nümayəndəliyində və ya konsulluğunda işləyən diplomatik xidmət əməkdaşlarına, diplomatik xidmət orqanlarının inzibati-texniki xidmətini həyata keçirən şəxslərə, dövlət məvacibi istisna olmaqla, ödənilən müavinətlər, kompensasiyalar və dövlət məvacibinə tətbiq edilən fərqləndirici əmsalın məbləğindən məcburi dövlət sosial sığorta haqqı sosial sığorta haqqı hesablanmayacaq. Vergi Məcəlləsinə əsasən, Azərbaycan Respublikasının diplomatik nümayəndəliyində və ya konsulluğunda işləyən diplomatik xidmət əməkdaşlarına, diplomatik xidmət orqanlarının inzibati-texniki xidmətini həyata keçirən şəxslərə ödənilən müavinətlər, kompensasiyalar və dövlət məvacibinə tətbiq edilən fərqləndirici əmsalın məbləği gəlir vergisindən azad ediləcək. Beləliklə, Azərbaycan Respublikasının diplomatik nümayəndəliyində və ya konsulluğunda işləyən diplomatik xidmət əməkdaşlarının və diplomatik xidmət orqanlarının inzibati-texniki xidmətini həyata keçirən şəxslərin yalnız dövlət məvacibi qanunvericiliklə müəyyən edilmiş qaydada vergiyə və digər icbari ödənişlərə cəlb olunacaq. Layihə səsverməyə çıxarılaraq birinci oxunuşda qəbul edilib.

2022

xəbərlər

ru_AZ

sığorta, vergi məcəlləsi, layihə, sosial, musa quliyev