https://sputnik.az/20221217/yirmi-bes-minden-cox-pay-torpagina-pulsuz-kupca-verilib-449731203.html

İyirmi beş mindən çox pay torpağına pulsuz "kupça" verilib

İyirmi beş mindən çox pay torpağına pulsuz "kupça" verilib

Sputnik Azərbaycan

Pay torpaqlarının dövlət vəsaiti hesabına sənədləşdirilməsi ilə bağlı ümumilikdə müsbət dinamika müşahidə edilsə də, bəzi ərazilərdə bu istiqamətdə aparılan... 17.12.2022, Sputnik Azərbaycan

2022-12-17T22:20+0400

2022-12-17T22:20+0400

2022-12-17T23:00+0400

kupça

cəmiyyət

əmlak

əmlak məsələləri dövlət komitəsi

https://cdnn1.img.sputnik.az/img/42240/46/422404664_0:15:1921:1095_1920x0_80_0_0_ded31664bb5e26625428c01e8cdd299a.jpg

BAKI, 17 dekabr - Sputnik. Əmlak Məsələləri Dövlət Xidməti tərəfindən ötən ilin dekabr ayından hazırki dövrədək mülkiyyət sənədləri ilə təmin edilməmiş pay torpaqlarına sahib olan 34 minə yaxın şəxsin ərizəsi qəbul olunub. 25 mindən artıq torpaq sahəsi üzərində vətəndaşların mülkiyyət hüququ daşınmaz əmlakın dövlət reyestrində qeydiyyata alınıb. Xidmət tərəfindən ərizəsi qəbul edilən digər vətəndaşların mülkiyyət sənədləri qanunvericiliklə müəyyən olunmuş müddətdə təqdim ediləcək. Qeyd edək ki, görülən işlər Azərbaycan Respublikası Prezidentinin "Torpaq münasibətlərinin tənzimlənməsi ilə bağlı bəzi məsələlər haqqında" 7 oktyabr 2021-ci il tarixli Fərmanına uyğun olaraq həyata keçirilir. Məqsəd əhalinin sosial rifahının yaxşılaşdırılması, kənd təsərrüfatının inkişafı və fermerlərin subsidiyalardan faydalanmasının təmin edilməsidir. Qeydiyyat xidmətlərinin birbaşa yerlərdə göstərilməsi vətəndaşların əmlak hüquqlarından və xidmətlərdən daha operativ və rahat şəkildə yararlanmasına imkan yaradır. Pay torpaqlarının dövlət vəsaiti hesabına sənədləşdirilməsi ilə bağlı ümumilikdə müsbət dinamika müşahidə edilsə də, bəzi ərazilərdə bu istiqamətdə aparılan işlər zamanı bir sıra çətinliklərə rast gəlinir. Belə ki, torpaq islahatı zamanı pay torpağı alan vətəndaşların ailə tərkibinin və şəxsi məlumatların düzgün yazılmaması, vətəndaşlardan bəzilərinin uzun illər torpaq payından istifadə etməməsi, verilən torpaqlardan əlavə sahənin qanunsuz istifadəsi mülkiyyət hüquqlarının qeydiyyatını ləngidir. Yuxarıda qeyd olunan məsələlər araşdırılır və qanunvericiliyə uyğun olaraq həlli istiqamətində tədbirlər görülür. Xatırladaq ki, dövlət başçısının "Torpaq münasibətlərinin tənzimlənməsi ilə bağlı bəzi məsələlər haqqında" 7 oktyabr 2021-ci il tarixli Fərmanına uyğun olaraq, mülkiyyət sənədləri ilə təmin edilməmiş pay torpaqlarının dövlət vəsaiti hesabına sənədləşdirilməsi ilkin qeydiyyat göstəricisinin daha yüksək olmasına imkan yaradır.

2022

xəbərlər

ru_AZ

kupça, əmlak, əmlak məsələləri dövlət komitəsi