NEFT-QAZ
Neft, qaz, bütövlükdə energetika sahəsinə aid xəbərlər və məqalələr

BP "Şahdəniz" yatağında kəşfiyyat quyusunun qazılmasına hazırlaşır

© Official website of President of Azerbaijan Republic“Şahdəniz-2” üçün inşa olunan platformanın üst tikililərinin dənizə yola salınması mərasimi
“Şahdəniz-2” üçün inşa olunan platformanın üst tikililərinin dənizə yola salınması mərasimi - Sputnik Azərbaycan, 1920, 16.12.2022
Abunə olmaq
Harri Counz vurğulayıb ki, hazırda qazma işlərinin başlanılması üçün qurğuda müvafiq səfərbərlik və hazırlıq işləri aparılır. Quyu "Şahdəniz" yatağında Fasilə məhsuldar lay dəstinin altına qazılacaq və əlavə məlumatların əldə edilməsi üçün imkan yaradacaq
BAKI, 16 dekabr — Sputnik. Xəzərin Azərbaycan hissəsində yerləşən "Şahdəniz" qaz-kondensat yatağının inkişaf etdirilməsi çərçivəsində layihənin operatoru olan Britaniyanın BP şirkəti gələn ilin birinci rübündə yataqda kəşfiyyat quyusunun qazılmasına başlamağı planlaşdırır.
Bu barədə BP-nin Azərbaycan, Gürcüstan və Türkiyə üzrə regional prezidenti Harri Counz APA-ya açıqlamasında bildirib.
Onun sözlərinə görə, quyu "Caspian Drillinq Company"nin (CDC) idarəçiliyində olan Heydər Əliyev adına yarımdalma qazma qurğusu vasitəsilə həyata keçiriləcək. Bunun üçün tərəflər arasında artıq müvafiq müqavilə imzalanıb və qazma qurğusu artıq 10 gündür BP-nin ixtiyarındadır.
Qəri Counz vurğulayıb ki, hazırda qazma işlərinin başlanılması üçün qurğuda müvafiq səfərbərlik və hazırlıq işləri aparılır. O qeyd edib ki, quyu "Şahdəniz" yatağında Fasilə məhsuldar lay dəstinin altına qazılacaq və əlavə məlumatların əldə edilməsi üçün imkan yaradacaq.
Məlumat üçün bildirək ki, Xəzər dənizinin Azərbaycan sektorunda "Şahdəniz" perspektiv sahəsinin kəşfiyyatı, işlənməsi üzrə hasilatın pay bölgüsü sazişi SOCAR və beynəlxalq şirkətlərin konsorsiumu arasında 4 iyun 1996-cı il tarixində imzalanıb.
Yataq Xəzər dənizinin Azərbaycan sektorunda, Bakıdan 70 kilometr cənub şərqdə yerləşir. Layihədə BP (operator – 29,99%), LUKOIL (19,99%), TPAO (19%), SOCAR (14,35%), NICO (10%) və SGC (6,67%) şirkətləri iştirak edir.
Xəbər lenti
0