https://sputnik.az/20221214/sagirdlere-psixoloji-tezyiq-etdiyi-deyilen-muellime-tohmet-verilib-449614592.html

Şagirdlərə psixoloji təzyiq etdiyi deyilən müəllimə töhmət verilib

Şagirdlərə psixoloji təzyiq etdiyi deyilən müəllimə töhmət verilib

Sputnik Azərbaycan

Sinifdə təhsil alan digər şagirdlərin valideynləri məktəbə dəvət olunub və onlar övladlarına qarşı heç bir şiddət və ya kobud rəftarın olmadığını yazılı... 14.12.2022, Sputnik Azərbaycan

2022-12-14T13:04+0400

2022-12-14T13:04+0400

2022-12-14T13:04+0400

şagird

təhsil

kamran əsədov

elm və təhsil nazirliyi

https://cdnn1.img.sputnik.az/img/07e5/02/01/426106180_0:320:3073:2048_1920x0_80_0_0_f1c2ddef339c2c1faf7180d406fba81d.jpg

BAKI, 14 dekabr — Sputnik. Dünəndən sosial platformada Bakıda 25 nömrəli məktəbdə müəllimin şagirdlərə psixoloji təyziq göstərdiyi ilə bağlı məlumat yayılıb. Məlumatda bildirilir ki, Xətai rayonunda yerləşən məktəbdə çalışan müəllimə Səidə Hüseynova 1-ci sinif şagirdləri ilə amansız davranır. Onları sinifdə ayaq üstə küncdə dayanmağa məcbur edir, şəkillərini çəkib "Whatsapp" qrupunda paylaşır. Həmçinin ev tapşırığını başa düşmədiyi üçün yazmayan şagirdləri təbii ehtiyaclarını ödəmək üçün ayaqyoluna buraxmır. Valideynlər dəfələrlə bununla bağlı məktəbin direktoru Fəridə Şərifovaya məlumat verdiklərini, amma onun bir tədbir görmədiyini iddia edirlər.Sputnik Azərbaycan-a məktəbdən verilən açıqlamaya görə, sosial şəbəkələrdə 25 nömrəli tam orta məktəbin ibtidai sinif müəlliminin şagirdlərə psixoloji təzyiq göstərməsi ilə bağlı valideyn tərəfindən yayılan məlumatla əlaqədar müvafiq araşdırma aparılıb, müəllimdən izahat alınıb.Müəllim izahatında bildirib ki, uşaqlara psixoloji təzyiq göstərməyib, şagirdlərin dərsə məsuliyyət hissini artırmaq üçün onları tənbeh edib. Digər məqamlar barədə məlumatların (şagirdlərin sanitar qovşağa buraxılmaması, onlarla kobud rəftar olunması) həqiqətəuyğun olmadığını bildirib. Məktəb rəhbərliyi tərəfindən sinifdə təhsil alan şagirdlərin valideynləri məktəbə dəvət olunub və onlar övladlarına qarşı heç bir şiddət və ya kobud rəftarın olmadığını yazılı formada təsdiqləyiblər.Məktəb rəhbərliyi tərəfindən uşaqlara fərdi yanaşmadığına, onların yaş xüsusiyyətini nəzərə almadığına, pedaqoji və psixoloji amillərə həssaslıq göstərmədiyinə görə müəllimə intizam tənbeh tədbiri kimi töhmət verilib. Belə hallara təkrar yol verildiyi təqdirdə daha ciddi tədbirlərin görüləcəyi bildirilib.Təhsil üzrə eskeprt Kamran Əsədov Sputnik Azərbaycan-a açıqlamasında bildirib ki, şəxsiyyətin formalaşması orta məktəb dövrünə düşür. Müasir dövrün isə öz öyrətmə metodları var. Müəllim də həmin metodlardan istifadə edib şagirdlərə dərsi başa salmalıdır. Ekspertin fikrincə, kurikulum tələblərinə görə şagirdlərə ev tapşırığının verilməsi yolverilməzdir: "Şagirdlər dərsi orta məktəbdə mənimsəməlidirlər. Şagird müəyyən informasiyanı mənimsəməkdə çətinlik çəkə bilər. Bu zaman müəllim öyrətmənin digər metodlarından istifadə etməlidir. Heç bir halda zorakılığa yol verilə bilməz. Bu şagirdin sosiallaşmasına əngəl yaradacaq".Kamran Əsədov bildirib ki, xüsusilə azyaşlıların ayaqyoluna buraxılmaması işgəncə metodudur: "Uşaq təbii ehtiyacını ödəməlidir. Bu cəza metodu kimi tətbiq edilə bilməz. Bu cəzalardan keçmişdə əsir düşərgələrində almanlar istifadə ediblər. Bu cəzanı şagirdə tətbiq edən müəllimin çox güman ki, özünün psixoloji problemləri var".Ekspert Elm və Təhsil Nazirliyinin təhsilə nəzarəti təmin etməli olduğunu əlavə edib.

2022

xəbərlər

ru_AZ

şagird, kamran əsədov, elm və təhsil nazirliyi