https://sputnik.az/20221209/qriqoryanin-yalani-fas-oldu-ermenilerin-inteqrasiyasi-ucun-serait-yaradilmalidir-449468007.html

Qriqoryanın yalanı faş oldu: Ermənilərin inteqrasiyası üçün şərait yaradılmalıdır

Qriqoryanın yalanı faş oldu: Ermənilərin inteqrasiyası üçün şərait yaradılmalıdır

Sputnik Azərbaycan

Azərbaycan dövlətinin bu gün sülhməramlıların olduğu ərazilərdə monitorinqlərinə diqqət çəkən ekspert deyib ki, bu ərazilərdə aparılan bütün fəaliyyətlər bizim... 09.12.2022, Sputnik Azərbaycan

2022-12-09T18:05+0400

2022-12-09T18:05+0400

2022-12-12T11:57+0400

qriqoryan

siyasət

ermənistan

sədrəddin soltan

https://cdnn1.img.sputnik.az/img/07e4/09/03/424833986_0:32:3072:1760_1920x0_80_0_0_690a164439e1cc5e58105365b0ab934f.jpg

BAKI, 9 dekabr — Sputnik. "Qarabağ ermənilərinin hüquq və təhlükəsizliyi ilə bağlı beynəlxalq mexanizmlərin yaradılması haqqında razılığın əldə olunması yalandır".Bunu Azərbaycan Prezidentinin köməkçisi - Prezident Administrasiyasının Xarici siyasət məsələləri üzrə şöbə müdiri Hikmət Hacıyev Ermənistan Təhlükəsizlik Şurasının katibi Armen Qriqoryanın Vaşinqtonda Qarabağda yaşayan ermənilərin hüquq və təhlükəsizliyi barədə beynəlxalq mexanizmlərin yaradılması barədə guya razılıq əldə olunduğuna dair bəyanatla çıxış etməsinə münasibət bildirərkən deyib.Bəs Azərbaycan etnik erməni vətəndaşlarının hüquq və təhlükəsizliyinin təmin olunması üçün hansı mexanizmlər təklif edir?Sputnik Azərbaycan mövzu ilə bağlı Orta Doğu Araşdırmalar Mərkəzinin rəhbəri, siyasi şərhçi Sədrəddin Soltanın fikirlərini öyrənib.Sədrəddin Soltan bildirib ki, Azərbaycan Konstitusiyası vətəndaşların etnik və dini mənsubiyyətindən asılı olmayaraq hüquqlarının müdafiəsini təşkil edə biləcək başlıca sənəddir: "Qarabağda yaşayan ermənilərin də hüquqları bu şəkildə təmin edilə bilər. Amma bu gün sülhməramlıların müvəqqəti nəzarətində olan ərazilərdə yaşayan ermənilərin reinteqrasiya olunmasında maneələr var. Ermənilər sülhməramlılar olmadan bu ərazilərdə mövcudluqlarını görmədiklərini bildirirlər. Qarabağdakı ermənilərin Azərbaycana inteqrasiyası üçün imkan və şərait yaradılmalıdır".Siyasi şərhçi vurğulayıb ki, ermənilər bu ərazilərə digər xarici qüvvələrin də cəlb olunmasını istəyir: "Azərbaycanın daxilində xarici nəzarətçilərdən ibarət bir komitə formalaşdırmaq istəyirlər. Ermənilər bu yolla pozuculuq fəaliyyəti göstərməyə, guya bu yolla öz təhlükəsizliklərinə zəmanət formalaşdırmağa çalışırlar. Azərbaycan dəfələrlə erməni vətəndaşlarının hüquqlarını təmin etməyə hazır olduğunu bildirib. Bunun üçün işlər də görülür. Separatçıların Qərb ölkələrindəki tör-töküntüləri isə yalan və təhrif olunmuş məlumatlarla ənənəvi saxtakarlıqlarını davam etdirirlər"."Bu gün regionda maraqları olan qüvvələr separatçıları Azərbaycana qarşı körükləyir. Bu isə Azərbaycan və Ermənistan arasında normallaşma prosesinin gecikməsinə, sülh sazişinin imzalanmasının ləngiməsinə gətirib çıxarır. Həmin qüvvələr Azərbaycanın ərazi bütövlüyü ilə bağlı məsələni Azərbaycana qarşı təzyiq vasitəsi kimi istifadə etmək istəyirlər. Qarabağdakı separatçı tör-töküntülər Azərbaycan üçün çibandır", - deyə Sədrəddin Soltan qeyd edib.Azərbaycan dövlətinin bu gün sülhməramlıların olduğu ərazilərdə monitorinqlərinə diqqət çəkən ekspert deyib ki, bu ərazilərdə aparılan heç bir fəaliyyət bizim icazəmiz olmadan həyata keçirilə bilməz: "30 ilə yaxın davam edən işğal müddətində Qərb şirkətləri burada sərvətlərimizi talayıblar. İndi isə Rusiyadan gəlmiş separatçı Ruben Vardanyan bu prosesi davam etdirmək istəyir. Azərbaycan bunu qəbul edə bilməz. Azərbaycanın ərazi bütövlüyünə hər kəs hörmətlə yanaşmağı öyrənməlidir və buna məcburdur".

2022

xəbərlər

ru_AZ

qriqoryan, ermənistan, sədrəddin soltan