https://sputnik.az/20221206/azerbaycanda-toyuq-eti-ucuzlasdi-449309667.html

Azərbaycanda toyuq əti ucuzlaşdı

Azərbaycanda toyuq əti ucuzlaşdı

Sputnik Azərbaycan

Mürvət Həsənli diqqətə çatdırıb ki, endirimli qiymətlər Dünya Azərbaycalılarının Həmrəyliyi Günü və Yeni İl ərəfəsində də qüvvədə olacaq. 06.12.2022, Sputnik Azərbaycan

2022-12-06T09:32+0400

2022-12-06T09:32+0400

2022-12-06T09:32+0400

toyuq əti

iqtisadiyyat

rüsum

idxal rüsumu

dövlət rüsumu

https://cdnn1.img.sputnik.az/img/07e6/05/05/441664111_0:0:3140:1767_1920x0_80_0_0_5342b590141f87f3035db41e567cc369.jpg

BAKI, 6 dekabr — Sputnik. Azərbaycanın quşçuluq sahəsində yerli istehsalın qlobal bazarlardan qaynaqlanan bahalaşmadan qorunması, bununla da ölkə daxilində qiymətlərin artmasının qarşısının alınması üçün atılan addımlar öz müsbət təsirini göstərməkdədir. Belə ki, cari ilin ortalarından başlayaraq quşçuluq sahəsində istifadə olunan yem və yem əlavələrinin idxalına tətbiq olunan vergi-rüsum azadolmaları həm quş əti, həm də yumurta istehsalında maya dəyərinin sabitləşməsinə və aşağı düşməsinə gətirib çıxarıb.Azərbaycan Quş əti, Yumurta İstehsalçıları və İxracatçıları Assosiasiyasının sədri Mürvət Həsənli Sputnik Azərbaycan-a bildirib ki, yumurta istehsalında maya dəyərinin sabitləşməsi nəticəsində iki aya yaxındır topdansatış qiymətləri dəyişməz olaraq qalır: "Ötən il bu vaxt yumurtanın topdansatış qiyməti 19 qəpik idi. Bu il isə 15 qəpikdir. Bu il qış fəslinin başlanması ilə bağlı olan ənənəvi bahalaşma da olmadı. Gözləntilərimiz hazırkı qiymətlərin yaxınmüddətli dövrdə dəyişməyəcəyi istiqamətindədir".O bildirib ki, toyuq əti istehsalında isə azadolmalar, həmçinin qlobal bazarlarda soyanın qiymətində müşahidə olunan ucuzlaşma Azərbaycan istehsalçılarına qiymətləri endirməyə imkan yaradıb:"Artıq bir neçə gündür soyudulmuş toyuq ətinin 1 kiloqramı 4,7-5 manatdan 4,2-4 manata endirilib. Müvafiq endirim ayrı-ayrı hissələrə (qanad, bud, bud dibi, file və sair) də aiddir. İstehsalçı müəssisələrin nümayəndələri ilə apardığımız müzakirələrdən belə aydın olur ki, endirimli qiymətlər xalqımızın mühüm bayramı olan Dünya Azərbaycalılarının Həmrəyliyi Günü və Yeni il ərəfəsində də qüvvədə olacaq. Qlobal bazardakı mövcud konyunktur, həmçinin dövlətimizin yem və yem qatqılarına münasibətdə tətbiq etdiyi azadolmalar davam etdiyi müddətdə qiymətlərin bahalaşmasını real hesab etmirik".Xatırladaq ki, 2022-ci ilin may ayından Nazirlər Kabinetinin qərar ilə yem və yem əlavələrinin idxalı gömrük rüsumundan azad edilib. Nazirlər Kabinetinin 30 iyun tarixli "Satışı əlavə dəyər vergisindən azad olunan heyvandarlıq və quşçuluq təsərrüfatlarında istifadə edilən yem və yem əlavələrinin Siyahısı"nın təsdiq olunmasına dair qərarına əsasən 72 növdə yem və yem əlavələrinin satışı əlavə dəyər vergisindən azad olunub.Azərbaycanda bu ilin iyun ayından başlayaraq aylıq müqayisədə toyuq yumurtasında bahalaşma davam edib. İyun ayında 10 ədəd yumurtanın orta aylıq pərakəndə satış qiyməti 1,65 manat, iyulda 1,68 manat, avqustda 1,77 manat, sentyabrda 2 manat, oktyabrda 2,05 manat olub.Toyuq ətinin orta aylıq pərakəndə satış qiyməti oktyabr ayında cəmi 0,9% artmaqla 5,73 manat/kq təşkil edib. Xaricdən gətirilən toyuq əti yerli istehsal olan məhsuldan baha satılıb.

2022

xəbərlər

ru_AZ

toyuq əti, rüsum, idxal rüsumu, dövlət rüsumu