Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Pakistan bankları Azərbaycanda filial açmaq istəyir

© AFP 2023 / AAMIR QURESHIPakistan bayrağı, arxiv şəkli
Pakistan bayrağı, arxiv şəkli - Sputnik Azərbaycan, 1920, 01.12.2022
Xəbərlərə abunə olun
НовостиTelegram
Pakistan-Azərbaycan İqtisadi Əməkdaşlıq Palatasının prezidenti deyib ki, Pakistan banklarının Azərbaycan bazarına marağı var və onlar burada filial açmaqla bağlı danışıqlar aparırlar.
BAKI, 1 dekabr - Sputnik. Pakistan Milli Bankı Bakıdakı filialını bağlasa da, digər Pakistan banklarının Azərbaycan bazarına marağı var və onlar burada filial açmaqla bağlı danışıqlar aparır.
Bu barədə Pakistan-Azərbaycan İqtisadi Əməkdaşlıq Palatasının (PAKAZCHAM) prezidenti Xurram Javaid Bhattin deyib.
Bundan başqa, o bildirib ki, iki ölkə sığorta sahəsində də əməkdaşlıq edə bilər: "Azərbaycan və Pakistanın sığortaçılar assosiasiyaları arasında danışıqlar gedir. Onlar Anlaşma Memarandumu imzalaya və əməkdaşlıq edə bilər. Sığorta xidmət sektorunun böyük hissəsini təşkil edir. Dekabrda bununla bağlı görüşün keçirilməsi planlaşdırılır".
"Pakistanın lizinq şirkətləri də Azərbaycanda fəaliyyətə maraq göstərir. Bununla bağlı görüşlər isə gələn ilin fevral ayına nəzərdə tutulub", - deyə Xurram Javaid Bhattin Report-a bildirib.
Xatırladaq ki, hazırda Azərbaycanda Pakistanın "MCB Bank"ının törəməsi - "MCB" QSC bank olmayan kredit təşkilatı (BOKT) fəaliyyət göstərir. Pakistan Milli Bankı isə Azərbaycan bazarını tərk etməyə bu ilin oktyabr ayında qərar verib.
Xəbər lenti
0