Сьемка, фото из архива - Sputnik Azərbaycan, 1920
VİDEO
Ölkənin və dünyanın müxtəlif yerlərindən maraqlı və aktual görüntülər

"3+3" formatı regionun inteqrasiyasının tərkib hissəsi kimi - Ekspert rəyi

Xəbərlərə abunə olun
НовостиTelegram
Azərbaycan Prezidenti İlham Əliyev bu yaxınlarda Zəngəzur dəhlizinin bütün ölkələr üçün uduşlu fürsəti ola biləcəyini söyləyib. Regional inteqrasiya və yeni imkanlar haqqında daha ətraflı videomuzda izləyə bilərsiniz.
BAKI, 29 noyabr — Sputnik. İkinci Qarabağ müharibəsi başa çatdıqdan sonra regionda yeni imkanlar və geosiyasi konfiqurasiya yaranıb. Bunu Sputnik Azərbaycan-a açıqlamasında politoloq İlyas Hüseynov deyib.
"Prezident İlham Əliyev Cənubi Qafqazla bağlı çox mühüm tezislərə toxunub. Təhlükəsizliyi və davamlı sülhü təmin etmək üçün regional inteqrasiya lazımdır. Zəngəzur dəhlizinin açılması və "3+3" formatının fəaliyyət göstərməsi bu inteqrasiya proseslərinin tərkib hissəsidir", - deyə Hüseynov əminliklə bildirib.
Politoloq qeyd edib ki, Türkiyə, Rusiya və İran bu inteqrasiya layihəsində iştirak edəcək və nəqliyyat kommunikasiyaları açıldıqdan sonra Şərqlə Qərbin birləşməsini görəcəyik.
"Azərbaycanın əlverişli geosiyasi mövqeyi bu əməkdaşlıq zəncirində çox mühüm rol oynayır. Nəqliyyat və logistika əməliyyatları sabitliyi və təhlükəsizliyi gücləndirəcək və beləliklə region ölkələrinin iqtisadiyyatları yüksələcək", - deyə Hüseynov fikrini yekunlaşdırıb.
Xatırladaq ki, Azərbaycanın 44 günlük Vətən müharibəsindəki qələbəsindən sonra Cənubi Qafqazın üç ölkəsi, Türkiyə, Rusiya və İrandan ibarət altılıq, yaxud da "3+3" əməkdaşlıq platforması gündəmə gəlib.
“Altılıq əməkdaşlıq platforması” (3+3) ideyasının təşəbbüskarı Azərbaycan və Türkiyə prezidentləridir. Azərbaycan Prezidenti İlham Əliyev hələ 2020-ci ilin dekabrında "3+3" (Azərbaycan, Rusiya, Türkiyə, İran, Gürcüstan və Ermənistan) platformasının vacibliyini vurğulayıb.
Xəbər lenti
0