CƏMİYYƏT
Cəmiyyətin həyatında baş verən aktual hadisələr

"Azəriqaz" qaz sərfiyyatında limiti keçməyən abonentlərin sayını açıqlayıb

© Photo : AzeriGas Production Union"Azəriqaz" İB-nin binası qarşısında lövhə, arxiv şəkli
Azəriqaz İB-nin binası qarşısında lövhə, arxiv şəkli - Sputnik Azərbaycan, 1920, 25.11.2022
Abunə olmaq
"Azəriqaz" rəsmisi bildirib ki, əhaliyə normal təzyiqli qazın verilişini təmin edilir ki, bu da itkilərin qarşısının alınmasına da səbəb olan amillərdən biridir.
BAKI, 25 noyabr — Sputnik. Bu ilin yanvar-oktyabr aylarında Azərbaycanda 58,8% abonent qaz sərfiyyatında 1200 kubmetrlik limiti keçməyib.
Bunu Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev bu gün keçirilən "Açıq qapı" aksiyası zamanı bildirib.
O bildirib ki, bu da 1 milyon 441 min abonent deməkdir: "Bu, kifayət qədər normal rəqəmdir, çünki ötən ilin cari dövrü ilə müqayisədə xeyli fərq var".
© Sputnik / Anar MustafayevQaz sayğacı, arxiv şəkli
Газовый счетчик, фото из архива - Sputnik Azərbaycan, 1920, 25.11.2022
Qaz sayğacı, arxiv şəkli
E.Vəliyevin sözlərinə görə, burada əhali abonentlərin qazla davranışı, hava şəraitinin nisbətən yaxşı keçməsinin də təsiri var: "Eyni zamanda, bu nəticəyə "Azəriqaz"ın qaz kəmərləri və xətlərin yenilənməsi və dəyişməsi, həmçinin qaz sızmalarının qarşısının alınması ilə bağlı gördüyü işlər də daxildir".
"Azəriqaz" əhaliyə normal təzyiqli qazın verilişini təmin edir ki, bu da hər hansı itkilərin qarşısının alınmasına da səbəb olan amillərdən biridir", - deyə o əlavə edib.
Xatırladaq ki, 2021-ci ilin oktyabr ayından etibarən Tarif (Qiymət) Şurasının qərarına əsasən, illik 1200 kubmetrə qədər təbii qazın hər kubmetrinin qiyməti əhali üçün 12 qəpikdən hesablanır. Əhali üçün 1200 - 2500 kubmetrədək və 2500 kubmetrdən çox olan hissələr üçün tariflər müvafiq olaraq 20 və 25 qəpik təşkil edir.
Xəbər lenti
0