SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Prezident İlham Əliyev İqor Xovayevi qəbul edib

© Official website of President of Azerbaijan RepublicPrezident İlham Əliyev RF Xarici İşlər Nazirliyinin Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib
Prezident İlham Əliyev RF Xarici İşlər Nazirliyinin Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib - Sputnik Azərbaycan, 1920, 24.11.2022
Abunə olmaq
Rusiya xarici işlər nazirinin xüsusi nümayəndəsi bundan əvvəl Yerevanda Azərbaycan-Ermənistan sərhədinin delimitasiyası prosesini müzakirə edib.
BAKI, 24 noyabr — Sputnik. Noyabrın 24-də Azərbaycan Respublikasının Prezidenti İlham Əliyev Rusiya Federasiyasının Xarici İşlər Nazirliyinin Azərbaycan-Ermənistan münasibətlərinin normallaşdırılması üzrə xüsusi nümayəndəsi İqor Xovayevi qəbul edib.
Bu barədə Azərbaycan Prezidentinin mətbuat xidməti məlumat yayıb.
Qeyd edək ki, Xovayev bundan əvvəl İrəvana səfər edib. Ermənistanın xarici işlər naziri Ararat Mirzoyan və Rusiya xarici işlər nazirinin xüsusi nümayəndəsi İqor Xovayev İrəvanda keçirilən görüşdə Azərbaycan-Ermənistan sərhədinin delimitasiyası prosesini müzakirə ediblər.
“Görüş zamanı Ermənistan və Azərbaycan arasında münasibətlərin nizamlanması ilə bağlı son hadisələr müzakirə olunub. Həmsöhbətlər oktyabrın 31-də Soçidə Azərbaycan, Rusiya və Ermənistan liderlərinin sonuncu üçtərəfli görüşünə toxunublar. Ararat Mirzoyanla İqor Xovayev Azərbaycan və Ermənistan arasında sərhədlərin delimitasiyası, həmçinin regionda nəqliyyat infrastrukturlarının açılması prosesi ilə bağlı fikir mübadiləsi aparıblar”, - məlumatda qeyd edilib.
Xatırladaq ki, cari ildə Xüsusi tapşırıqlar üzrə səfir İqor Xovayev Rusiya xarici işlər nazirinin Azərbaycan və Ermənistan münasibətlərinin normallaşması üzrə xüsusi nümayəndəsi təyin olunub.
Xovayevin yeni statusu fevralın 24-dən Vaşinqton və Parisin ATƏT-in Minsk Qrupunun həmsədrlərinin “üçlüy”ü çərçivəsində Moskva ilə bütün əlaqələri məhdudlaşdırması ilə bağlıdır.
Xəbər lenti
0