Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Ermənistanın üçtərəfli bəyanatla bağlı destruktiv addımları qəbuledilməzdir - Nazir

© Sputnik / Murad OrujovCeyhun Bayramov
Ceyhun Bayramov - Sputnik Azərbaycan, 1920, 24.11.2022
Xəbərlərə abunə olun
НовостиTelegram
Ceyhun Bayramov bildirib ki, Ermənistan üçtərəfli bəyanatın bəzi müddəalarını yerinə yetirmir.
BAKI, 24 noyabr — Sputnik. Ermənistanın üçtərəfli bəyanatla bağlı destruktiv addımları qəbuledilməzdir.
Bunu xarici işlər naziri Ceyhun Bayramov jurnalistlərə açıqlamasında deyib.
Onun sözlərinə görə, Ermənistanın bu addımları postmünaqişə dövründə münasibətlərin normallaşmasına vurulan ən ciddi zərbədir:
"Üçtərəfli bəyanatın fundamental prinsipləri pozulur. Həmin prinsiplər sırasında yer almış bütün erməni hərbi birləşmələrinin Azərbaycan ərazisindən çıxarılması öhdəliyi hələ də yerinə yetirilmir".
O, həmçinin bildirib ki, Ermənistan 2021-ci il istehsalı olan və Azərbaycanın işğaldan azad edilmiş ərazilərində basdırdığı minaları Laçın dəhlizindən daşıyıb.
Nazirin sözlərinə görə, Ermənistan üçtərəfli bəyanatın bəzi müddəalarını yerinə yetirmir: "Yenə də Azərbaycan ərazisində minalar aşkarlanıb. Ermənistanın üzərinə götürdüyü öhdəlikləri yerinə yetirməməsi qəbuledilməzdir. 2021-ci il istehsalı olan minaların daşınması Laçın dəhlizi vasitəsilə həyata keçirilib".
Xəbər lenti
0