CƏMİYYƏT
Cəmiyyətin həyatında baş verən aktual hadisələr

Azərbaycan mediasının reklam bazarı ilə bağlı problemləri var - PA

Qazet - Sputnik Azərbaycan, 1920, 24.11.2022
Abunə olmaq
Kamran Həsənov deyib ki, dövlətimiz çətin dövrlərdə həmişə medianın yanında olub. Son bir ildə isə ölkənin çap mediasında forma və məzmun baxımından ciddi dəyişikliklər var.
BAKI, 24 noyabr — Sputnik. Müasir dövrdə çap mediası böyük çətinliklərlə üzləşib. Azərbaycanda bu problemlər əsasən reklam bazarı ilə bağlıdır.
Bunu Prezident Administrasiyasının Qeyri-hökumət təşkilatları ilə iş və kommunikasiya şöbəsinin Kütləvi informasiya vasitələri ilə iş sektorunun müdiri Kamran Həsənov "E-köşk" qəzet və jurnalların rəqəmsal yayım platformasının təqdimat mərasimində deyib.
"Dövlətimiz çətin dövrlərdə həmişə medianın yanında olub. Son bir il ərzində ölkənin çap mediasında forma və məzmun baxımından ciddi dəyişikliklər var", - deyə K.Həsənov qeyd edib.
Onun sözlərinə görə, müasir çağırışlar fonunda media rəqəmsal yeniliklərə uyğunlaşmalıdır: "Hesab edirəm ki, "E-KÖŞK" platforması müasir çağırışlara cavab verən platforma olacaq. Dünyada informasiya sahəsində gedən inkişaf fonunda media sahəsinə də yeni konseptual baxış tələb olunur", - o bildirib. (APA)
Xəbər lenti
0