https://sputnik.az/20221123/abdullahian-ranin-azerbaycan-respublikasinin-torpaqlarinda-gozu-yoxdur-448900498.html

Abdullahian: "İranın Azərbaycan Respublikasının torpaqlarında gözü yoxdur"

Abdullahian: "İranın Azərbaycan Respublikasının torpaqlarında gözü yoxdur"

Sputnik Azərbaycan

"Biz Azərbaycan və regionun digər ölkələri ilə münasibətlərimizi qonşuluq, qardaşlıq prinsipi ilə davam etdiririk", - XİN rəhbəri diqqətə çatdırıb. 23.11.2022, Sputnik Azərbaycan

2022-11-23T21:30+0400

2022-11-23T21:30+0400

2022-11-23T21:30+0400

iran

azərbaycan xəbərləri

torpaq

göz

https://cdnn1.img.sputnik.az/img/07e6/03/0f/440178167_0:0:3078:1731_1920x0_80_0_0_232106d937f92518e05d0183ce875bb6.jpg

BAKI, 23 noyabr — Sputnik. "Biz Azərbaycan və Ermənistanı İranın qonşuları hesab edirik".Bunu bu gün keçirdiyi mətbuat konfransında İranın xarici işlər naziri Hüseyn Əmir Abdullahian deyib."Münasibətlərimizi heç vaxt bir tərəfin digərindən üstünlüyü ilə tənzimləmirik", - İran XİN rəhbəri qeyd edib.O, ötən ay Ermənistana səfər etdiyini xatırladıb və əlavə edib ki, Ermənistanın Baş naziri Paşinyan isə Tehrana səfər edib, Azərbaycanın bəzi media dairələri buna reaksiya verib."Mən təkidlə vurğulayıram ki, biz Azərbaycan və Ermənistanı İran İslam Respublikasının iki qonşusu hesab edirik. Bu, qarşılıqlı maraqlara və qonşularla münasibətlərdə prioritet siyasətə əsaslanır", - Hüseyn Əmir Abdullahian qeyd edib.Nazirin sözlərinə görə, İranın qonşu dövlətlərin, o cümlədən Azərbaycan Respublikasının torpaqlarında heç bir marağı, gözü yoxdur: "Lakin biz Qafqaz regionunun bütün aktorlarına açıq şəkildə bəyan etmişik ki, regionda baş verəcək hər hansı geosiyasi dəyişiklik dövlət tərəfindən ciddi reaksiya ilə qarşılanacaq".Hüseyn Əmir Abdullahian deyib ki, belə bir fikrin olmadığına dair onları əmin ediblər."Biz Azərbaycan və regionun digər ölkələri ilə münasibətlərimizi qonşuluq, qardaşlıq prinsipi ilə davam etdiririk", - XİN rəhbəri diqqətə çatdırıb.

2022

xəbərlər

ru_AZ

iran, torpaq, göz