QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Azad edilmiş torpaqlarda doğulan uşaqlara Qələbə müavinətinin verilməsi təklif edilir

© Sputnik / Murad OrujovŞuşa, arxiv şəkli
Şuşa, arxiv şəkli - Sputnik Azərbaycan, 1920, 17.11.2022
Abunə olmaq
Deputat azad edilmiş torpaqlarda doğulan uşaqlara Qələbə müavinətlərinin verilməsini təkcə sosial deyil, həmçinin mühüm siyasi qərar ola biləcəyini söyləyib.
BAKI, 17 noyabr - Sputnik. İşğaldan azad edilmiş torpaqlarda doğulan uşaqlara Qələbə müavinətlərinin verilməsi təklif edilir.
Bu təkliflə deputat Zahid Oruc Milli Məclisin noyabrın 17-də keçirilən plenar iclasda çıxış edib.
O qeyd edib ki, son 10 ildə Azərbaycanda 0-19 yaş qrupu üzrə əhalinin sayında 2%-dək azalma, 60 yaşdan yuxarı əhalinin sayında 65% artım var.
“Əhalinin demoqrafik qocalması baş verir. Ona görə də Böyük Qayıdışı həm də demoqrafik artıma çevirməkdən ötrü azad edilmiş torpaqlarda doğulan uşaqlara yeni dövlət ödənişləri - Qələbə müavinətlərinin verilməsi təkcə sosial deyil, həmçinin mühüm siyasi qərar olardı. Dayanıqlı məskunlaşma, böyük ailələrin gələcək daxili miqrasiyasının qarşısının alınması hökumətin qərarlarından asılıdır”, - deyə o qeyd edib.
Xatırladaq ki, dünən Prezident İlham Əliyev “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın təsdiq edilməsi haqqında Sərəncam imzalayıb.
İşğaldan azad edilmiş ərazilərə böyük qayıdış Azərbaycanın 2030-cu ilədək beş Milli Prioritetindən biri kimi müəyyən olunub. Bu Milli Prioritetlərə əsaslanan “Azərbaycan Respublikasının 2022–2026-cı illərdə sosial-iqtisadi inkişaf Strategiyası” yeni inkişaf mərhələsindəki hədəflərə çatmağa xidmət edən mühüm sənəddir.
Yaşlı insanlar, arxiv şəkli - Sputnik Azərbaycan, 1920, 17.11.2022
CƏMİYYƏT
Qüdrət Həsənquliyevdən çağırış: Pensiya yaşını aşağı salmalıyıq
Xəbər lenti
0