https://sputnik.az/20221114/beynelxalq-bankin-emekdasi-mehkemede-dindirilib-448554528.html
Beynəlxalq Bankın əməkdaşı məhkəmədə dindirilib
Beynəlxalq Bankın əməkdaşı məhkəmədə dindirilib
Sputnik Azərbaycan
Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə o bildirib ki, təqsirləndirilən şəxs çalışdığı bankın daimi müştərisi... 14.11.2022, Sputnik Azərbaycan
2022-11-14T20:51+0400
2022-11-14T20:51+0400
2022-11-14T20:51+0400
beynəlxalq bank
cəmiyyət
məhkəmə
https://cdnn1.img.sputnik.az/img/41028/26/410282629_0:22:1200:697_1920x0_80_0_0_e4d09d09fc149a6d38ba4056407f05f6.jpg
BAKI, 14 noyabr — Sputnik. Bakıda şirkətin 423 min dollarını mənimsəməkdə təqsirləndirilən Nelli Fabriçnayanın cinayət işi üzrə məhkəmə prosesində "Azərbaycan Beynəlxalq Bankı" ASC-nin Nəsimi filialının əməkdaşı Arzu Bəşirova şahid qismində dindirilib."Report"un xəbərinə görə, Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə o bildirib ki, təqsirləndirilən şəxs çalışdığı bankın daimi müştərisi olub.O deyib ki, N.Fabriçnaya adına kart açılması üçün banka müraciət edib:"Biz də dedik ki, əlavə kart olaraq Əfqan Zeynalovun adına aça bilərik. Kart hesabını isə onun adına açmağı söylədik. Əlavə kart hazırlayanda Əfqan müəllimin özü iştirak edib. Bu kartı açmaqda əsas şəxsin özü iştirak edə də bilər, etməyə də bilər. Kartın hesabına 30 min dollar köçürüləndə Nelli xanım banka Əfqan bəylə gəlmişdi".Daha sonra şahid qismində Etibar Xəlilov ifadə verib. O qeyd edib ki, Vüqar adlı şəxsdən "Vita" markalı avtomobil alıb. Onun sözlərinə görə, Vüqarı 131 nömrəli marşrut xətt avtobusunda sürücü işlədiyi vaxtdan tanıyır.Digər şahid Suğra Həsənova söyləyib ki, 2018-ci ildən zərərçəkmiş Əfqan Zeynalova məxsus şirkətdə mühasib işləyib.O deyib ki, təqsirləndirilən şəxsin otağında müxtəlif dərman preparatları olub:"Mən görürdüm ki, bütün vəsaitlər Nellinin əlindədir. Bu da təbii ki, bizi narahat edirdi. Əfqan müəllim bütün səlahiyyətləri ona vermişdi. O, xadiməni işdən çıxardı. Onun yerinə isə Mehriban adlı xanımı işə götürtdü. Sonradan çox yaxın rəfiqə oldular. Mehriban Əfqan müəllimi güdürdü. Sonradan gördük ki, Mehribanın sosial vəziyyəti yüksəldi və işə artıq taksi ilə gedib-gəlir. Mən Nelli ilə söhbət edəndə dedim ki, oğlum kredit götürmək istəyir. Nelli isə mənə kömək edəcəyini söylədi. Təəccübləndim. O, qardaşının imkanının yaxşı olduğunu söylədi"."Əfqan müəllimin bütün dərmanlarını ancaq Nelli verirdi. Biz də təəccüblənirdik ki, bu qədər dərman nəyə lazımdı axı? Çox yalançı qadın idi və kollektiv arasında nifaq yaradan şəxs olub. Əfqan Zeynalov onun seyfində olan 300 min dolların oğurlandığını dedi. Bu əməlin Nellinin törətdiyini biləndə ona iltizam ərizəsi yazdırdı. Nelli iltizamda yazmışdı ki, məsuliyyəti öz üzərinə götürür və pulları qaytaracaq", - S.Həsənova vurğulayıb.Prosesdə şahid qismində zərərçəkmişin qardaşı Mamed Zeynalov da dindirilib. O bildirib ki, 2008-ci ildən qardaşı ilə birgə yol tikintisi işləri ilə məşğul olur:"Yol tikintisi işləri ilə bağlı Kəlbəcərdə idim. Bacım Əfqanın ağır vəziyyətdə olduğunu, Bakıya gəlməyimi dedi. Onlara gedəndə qardaşımın dərmanlarının dərhal atılmasını tələb etdim. Həkimə apardım və məlum oldu ki, Əfqan zəhərlənib. Əfqan texnikanın alınması üçün bizə pul göndərməli idi. Pul barədə soruşanda Nellinin oğurladığını söylədi".Məhkəmənin növbəti iclası noyabrın 21-nə təyin edilib.İttiham aktına əsasən, 2018-ci ildə N.Fabriçnaya Ə.Zeynalovun şirkətində kadrlar şöbəsinin müdiri vəzifəsində işləyib.Ə.Zeynalovun şirkətləri dəmir yollarının tikintisi üçün "Azərbaycan Dəmir Yolları" QSC ilə müqavilələr bağlayıb. Şirkət eyni zamanda avtomobil yollarının salınması ilə məşğul olub.Zərərçəkmiş N.Fabriçnaya inandığından müəyyən işlər görmək üçün qadına etibarnamə verib, hətta onun evindəki seyfə pullar qoyub.İttihamda göstərilir ki, N.Fabriçnaya seyfdən ümumilikdə 423 min dollar pulu götürərək mənimsəyib. O isə həmin pulların bir hissəsini şirkətin xadiməsi olan Mehriban Atakişiyeva adlı qadına kömək məqsədilə verib, bir hissəsini isə özünün keçmiş sevgilisi olan Raufa təqdim edib.Məhkəmədə ifadə verən N.Fabriçnaya ona qarşı irəli sürülmüş ittihamı qəbul etməyib.Zərərçəkmiş Ə.Zeynalov Birinci Qarabağ müharibəsi əlili olduğunu deyib. O bildirib ki, N.Fabriçnaya mənimsəmə əməllərini ört-basdır etmək üçün onu zəhərləmək istəyib.
Sputnik Azərbaycan
media@sputniknews.com
+74956456601
MIA „Rossiya Segodnya“
2022
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
beynəlxalq bank, məhkəmə
Beynəlxalq Bankın əməkdaşı məhkəmədə dindirilib
Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə o bildirib ki, təqsirləndirilən şəxs çalışdığı bankın daimi müştərisi olub.
BAKI, 14 noyabr — Sputnik. Bakıda şirkətin 423 min dollarını mənimsəməkdə təqsirləndirilən Nelli Fabriçnayanın cinayət işi üzrə məhkəmə prosesində "Azərbaycan Beynəlxalq Bankı" ASC-nin Nəsimi filialının əməkdaşı Arzu Bəşirova şahid qismində dindirilib.
"Report"un xəbərinə görə, Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə o bildirib ki, təqsirləndirilən şəxs çalışdığı bankın daimi müştərisi olub.
O deyib ki, N.Fabriçnaya adına kart açılması üçün banka müraciət edib:
"Biz də dedik ki, əlavə kart olaraq Əfqan Zeynalovun adına aça bilərik. Kart hesabını isə onun adına açmağı söylədik. Əlavə kart hazırlayanda Əfqan müəllimin özü iştirak edib. Bu kartı açmaqda əsas şəxsin özü iştirak edə də bilər, etməyə də bilər. Kartın hesabına 30 min dollar köçürüləndə Nelli xanım banka Əfqan bəylə gəlmişdi".
Daha sonra şahid qismində Etibar Xəlilov ifadə verib. O qeyd edib ki, Vüqar adlı şəxsdən "Vita" markalı avtomobil alıb. Onun sözlərinə görə, Vüqarı 131 nömrəli marşrut xətt avtobusunda sürücü işlədiyi vaxtdan tanıyır.
Digər şahid Suğra Həsənova söyləyib ki, 2018-ci ildən zərərçəkmiş Əfqan Zeynalova məxsus şirkətdə mühasib işləyib.
O deyib ki, təqsirləndirilən şəxsin otağında müxtəlif dərman preparatları olub:
"Mən görürdüm ki, bütün vəsaitlər Nellinin əlindədir. Bu da təbii ki, bizi narahat edirdi. Əfqan müəllim bütün səlahiyyətləri ona vermişdi. O, xadiməni işdən çıxardı. Onun yerinə isə Mehriban adlı xanımı işə götürtdü. Sonradan çox yaxın rəfiqə oldular. Mehriban Əfqan müəllimi güdürdü. Sonradan gördük ki, Mehribanın sosial vəziyyəti yüksəldi və işə artıq taksi ilə gedib-gəlir. Mən Nelli ilə söhbət edəndə dedim ki, oğlum kredit götürmək istəyir. Nelli isə mənə kömək edəcəyini söylədi. Təəccübləndim. O, qardaşının imkanının yaxşı olduğunu söylədi".
"Əfqan müəllimin bütün dərmanlarını ancaq Nelli verirdi. Biz də təəccüblənirdik ki, bu qədər dərman nəyə lazımdı axı? Çox yalançı qadın idi və kollektiv arasında nifaq yaradan şəxs olub. Əfqan Zeynalov onun seyfində olan 300 min dolların oğurlandığını dedi. Bu əməlin Nellinin törətdiyini biləndə ona iltizam ərizəsi yazdırdı. Nelli iltizamda yazmışdı ki, məsuliyyəti öz üzərinə götürür və pulları qaytaracaq", - S.Həsənova vurğulayıb.
Prosesdə şahid qismində zərərçəkmişin qardaşı Mamed Zeynalov da dindirilib. O bildirib ki, 2008-ci ildən qardaşı ilə birgə yol tikintisi işləri ilə məşğul olur:
"Yol tikintisi işləri ilə bağlı Kəlbəcərdə idim. Bacım Əfqanın ağır vəziyyətdə olduğunu, Bakıya gəlməyimi dedi. Onlara gedəndə qardaşımın dərmanlarının dərhal atılmasını tələb etdim. Həkimə apardım və məlum oldu ki, Əfqan zəhərlənib. Əfqan texnikanın alınması üçün bizə pul göndərməli idi. Pul barədə soruşanda Nellinin oğurladığını söylədi".
Məhkəmənin növbəti iclası noyabrın 21-nə təyin edilib.
İttiham aktına əsasən, 2018-ci ildə N.Fabriçnaya Ə.Zeynalovun şirkətində kadrlar şöbəsinin müdiri vəzifəsində işləyib.
Ə.Zeynalovun şirkətləri dəmir yollarının tikintisi üçün "Azərbaycan Dəmir Yolları" QSC ilə müqavilələr bağlayıb. Şirkət eyni zamanda avtomobil yollarının salınması ilə məşğul olub.
Zərərçəkmiş N.Fabriçnaya inandığından müəyyən işlər görmək üçün qadına etibarnamə verib, hətta onun evindəki seyfə pullar qoyub.
İttihamda göstərilir ki, N.Fabriçnaya seyfdən ümumilikdə 423 min dollar pulu götürərək mənimsəyib. O isə həmin pulların bir hissəsini şirkətin xadiməsi olan Mehriban Atakişiyeva adlı qadına kömək məqsədilə verib, bir hissəsini isə özünün keçmiş sevgilisi olan Raufa təqdim edib.
Məhkəmədə ifadə verən N.Fabriçnaya ona qarşı irəli sürülmüş ittihamı qəbul etməyib.
Zərərçəkmiş Ə.Zeynalov Birinci Qarabağ müharibəsi əlili olduğunu deyib. O bildirib ki, N.Fabriçnaya mənimsəmə əməllərini ört-basdır etmək üçün onu zəhərləmək istəyib.
