https://sputnik.az/20221103/azerbaycan-ermenistan-delimitasiya-komissiyasinin-iclasi-kecirilir-448210885.html

Azərbaycan-Ermənistan delimitasiya komissiyasının iclası keçirilir

Azərbaycan-Ermənistan delimitasiya komissiyasının iclası keçirilir

Sputnik Azərbaycan

Avropa İttifaqının Xarici Fəaliyyət Xidmətinin baş katibi Stefano Sannino məlumat verib ki, Aİ tərəfləri regionda təhlükəsizliyi yaxşılaşdırmaq və delimitasiya... 03.11.2022, Sputnik Azərbaycan

2022-11-03T18:08+0400

2022-11-03T18:08+0400

2022-11-03T18:48+0400

sərhəd

azərbaycan xəbərləri

iclas

https://cdnn1.img.sputnik.az/img/07e5/03/1d/426570842_0:385:1000:948_1920x0_80_0_0_9e52fcdc7a1b2732da27dff94d98601a.jpg

BAKI, 3 noyabr — Sputnik. Brüsseldə Azərbaycan-Ermənistan delimitasiya komissiyasının iclası keçirilir.Bu barədə Avropa İttifaqının Xarici Fəaliyyət Xidmətinin baş katibi Stefano Sannino "Twitter"də bildirib."Baş nazirlərin müavinləri Mqer Qriqoryanın və Şahin Mustafayevin rəhbərlik etdiyi Ermənistan və Azərbaycan sərhəd komissiyalarını onların 3-cü iclası üçün Brüsseldə salamlamaqdan məmnunluq duyuruq. Avropa İttifaqı tərəfləri regionda təhlükəsizliyi yaxşılaşdırmaq və delimitasiya üzrə irəliləyişə nail olmaq üçün addımlar atmağa çağırır", - deyə Aİ rəsmisi bildirib.Xatırladaq ki, oktyabrın 13-də Azərbaycan Nazirlər Kabineti "Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə yaradılmış Dövlət Komissiyasının fəaliyyətinin təmin edilməsi ilə bağlı tədbirlər barədə" qərar verib.Qərara əsasən, Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının (bundan sonra – Komissiya) cari fəaliyyətinin təşkili məqsədilə Komissiyanın Katibliyi yaradılıb.Komissiyanın Katibliyi Azərbaycan Respublikası Nazirlər Kabinetinin Aparatında şöbə hüququnda və 5 ştat vahidindən ibarət olmaqla təşkil edilir.Katiblik:Komissiyanın, ekspert qrupunun və işçi qrupun fəaliyyət planını, Komissiyanın, ekspert qrupunun və işçi qrupun iclaslarında baxılacaq məsələlərin layihələrini, həmçinin hüquqi aktların layihə- lərini ekspert qrupunun və ya işçi qrupun üzvlərinin iştirakı ilə hazırlayır və müzakirəsini təşkil edir;Komissiyanın səlahiyyətlərinə aid məsələləri baxılmaq üçün Komissiyanın, ekspert qrupunun və ya işçi qrupun iclaslarına çıxarır;Aidiyyəti dövlət orqanlarından (qurumlarından), mülkiyyət və təşkilati-hüquqi formasından asılı olmayaraq, müəssisə və təşkilatlardan iclaslarda baxılan məsələlərlə bağlı məlumat, rəy və təkliflər alır;Komissiyanın, ekspert qrupunun və işçi qrupun fəaliyyətini təşkil və koordinasiya edir, Komissiyanın kargüzarlıq işlərini aparır, iclasların protokollarını tərtib edir və iclasların yekun sənədlərinin layihələrini Komissiyanın sədrinə təqdim edir;Komissiyanın qəbul etdiyi qərarların həyata keçirilməsi ilə əlaqədar zəruri tədbirlər görür, Komissiya tərəfindən həyata keçirilməli olan tədbirlərin monitorinqini aparır, nəticələri barədə aidiyyəti üzrə təqdim edilməsi üçün hesabatlar hazırlayır;Komissiyanın iclaslarında baxılan məsələlər və qəbul edilən qərarlar barədə məlumatların Komissiyanın sədrinin razılığı ilə kütləvi informasiya vasitələrində yayılmasını təmin edir;Komissiyanın fəaliyyətinin həyata keçirilməsi ilə bağlı digər işləri həyata keçirir.Nazirlər Kabinetindən verilən xəbərə görə, qərar "Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının yaradılması haqqında" Azərbaycan Respublikası Prezidentinin 2022-ci il 23 may tarixli 3272 nömrəli Sərəncamının 2-ci hissəsinin icrasını təmin etmək məqsədilə hazırlanıb.Qərara əsasən Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının cari fəaliyyətinin təşkili məqsədilə Komissiyanın Katibliyinin yaradılması, fəaliyyət istiqamətləri və təşkili müəyyən edilib.Qeyd edək ki, Nazirlər Kabineti bu qərarı “Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının yaradılması haqqında” Azərbaycan Respublikası Prezidentinin 2022-ci il 23 may tarixli 3272 nömrəli Sərəncamının 2-ci hissəsinin icrasını təmin etmək məqsədilə verib.Həmin Sərəncamın 2-ci hissəsində deyilir ki, Azərbaycan Respublikasının Nazirlər Kabineti Dövlət Komissiyasının Katibliyinin və aidiyyəti dövlət orqanlarının (qurumlarının) mütəxəssislərindən ibarət müntəzəm fəaliyyət göstərəcək ekspert qrupunun yaradılmasını təmin etsin.Xatırladaq ki, həmin Sərəncamala Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə aşağıdakı tərkibdə Dövlət Komissiyası yaradılıb.Komissiyanın sədri Şahin Mustafayev – Azərbaycan Respublikası Baş nazirinin müaviniKomissiyanın üzvləri Azərbaycan Respublikası Naxçıvan Muxtar Respublikasının Baş nazirinin müaviniAzərbaycan Respublikası xarici işlər nazirinin müavini Azərbaycan Respublikası daxili işlər nazirinin müaviniAzərbaycan Respublikası ekologiya və təbii sərvətlər nazirinin müavini Azərbaycan Respublikası ədliyyə nazirinin müaviniAzərbaycan Respublikası kənd təsərrüfatı nazirinin müaviniAzərbaycan Respublikası müdafiə nazirinin müaviniAzərbaycan Respublikası Dövlət Təhlükəsizliyi Xidməti rəisinin birinci müaviniAzərbaycan Respublikası Dövlət Sərhəd Xidməti rəisinin müaviniAzərbaycan Respublikası Xarici Kəşfiyyat Xidməti rəisinin müaviniAzərbaycan Meliorasiya və Su Təsərrüfatı Açıq Səhmdar Cəmiyyəti sədrinin müaviniAzərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinin rəisiAzərbaycan Respublikası Prezidentinin Administrasiyasının Qanunvericilik və hüquq siyasəti şöbəsinin sektor müdiriQazax Rayon İcra Hakimiyyətinin başçısı Ağstafa Rayon İcra Hakimiyyətinin başçısıTovuz Rayon İcra Hakimiyyətinin başçısıGədəbəy Rayon İcra Hakimiyyətinin başçısıDaşkəsən Rayon İcra Hakimiyyətinin başçısıKəlbəcər Rayon İcra Hakimiyyətinin başçısıLaçın Rayon İcra Hakimiyyətinin başçısıQubadlı Rayon İcra Hakimiyyətinin başçısıZəngilan Rayon İcra Hakimiyyətinin başçısı.

2022

xəbərlər

ru_AZ

sərhəd, iclas