CƏMİYYƏT
Cəmiyyətin həyatında baş verən aktual hadisələr

Məktəblərin ətrafında tütün və alkoqol məhsulları satılır?

© AFP 2023 / JUNI KRISWANTOSiqaret
Siqaret - Sputnik Azərbaycan, 1920, 14.10.2022
Abunə olmaq
Mehriban Vəliyeva deyib ki, məktəblərin ətrafında 27 şagirdi maşın vurub.
BAKI, 14 oktyabr — Sputnik. "Tütün və alkoqol məhsullarının məktəblərə yaxın yerlərdə satışı ciddi və problemli məsələdir".
Bunu Uşaq müdafiəsi: dialoq mühiti və qurumlararası əməkdaşlıq" mövzusunda konfransda çıxışı zamanı Bakı Şəhəri üzrə Təhsil İdarəsinin müdiri Mehriban Vəliyeva deyib.
O, bu məsələnin həlli istiqamətində qurumlara müraciət edib: "Elektron siqaretlə və digər bu kimi hallarla mübarizə üçün mən qurumlara müraciət edirəm ki, birgə işlər görülsün, problemin aradan qaldırılması üçün yollar axtarılsın. Eyni zamanda, tütün və alkoqol məhsullarının məktəblərə yaxın yerlərdə satışı da ciddi və problemli məsələdir".
Mehriban Vəliyeva deyib ki, Bakı Şəhər üzrə Təhsil İdarəsinin tabeliyində fəaliyyət göstərən xüsusi hallarla bağlı komissiyaya daxil olan məlumatların 194-ü şagirdlərin xəsarət alması ilə bağlı olub.
O bildirib ki, şagirdlər arasında mübahisə halı ilə bağlı 126, şagirdin halının pisləşməsi 104, işçinin halının pisləşməsi 66, şagirdi maşın vurması 27, şagirdin nizam-intizam qaydasını pozması 24, şagirdin psixoloji durumu barədə 23, şagirdin dərsdən yayınması ilə bağlı isə 21 məlumat daxil olub: "Ən çox məlumat Sabunçu (21 ) rayonunda yerləşən məktəblərdən qeydə alınıb".
Xəbər lenti
0