DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Astanada MDB Xarici İşlər Nazirləri Şurası işinə başlayıb

© Sputnik / Press service of the Ministry of Foreign Affairs of the Russian Federation / Mediabanka keçidMDB ölkələrinin Xarici İşlər Nazirləri Şurasının iclası
MDB ölkələrinin Xarici İşlər Nazirləri Şurasının iclası - Sputnik Azərbaycan, 1920, 12.10.2022
Abunə olmaq
Qazaxıstan XİN rəhbəri bildirib ki, bu il Qazaxıstanın MDB-də sədrliyi çərçivəsində planlaşdırılan bütün tədbirlər planlaşdırıldığı kimi həyata keçirilir.
BAKI, 12 oktyabr - Sputnik. Astanada Birlik ölkələrinin dövlət başçılarının sammiti ərəfəsində MDB Xarici İşlər Nazirləri Şurasının iclası keçirilir. İclasa Qazaxıstanın Baş nazirinin müavini, Xarici İşlər Nazirliyinin rəhbəri Muxtar Tleuberdi sədrlik edir. O, iclası açaraq xatırladıb ki, bu, ənənəvi olaraq MDB Hökumət Başçıları Şurasının iclasından əvvəl keçirilir.

“Bugünkü iclas ənənəvi olaraq MDB Dövlət Başçıları Şurasının iclasından əvvəl keçirilir. Biz dövlət başçılarının təsdiqinə təqdim olunan sənədlərə baxıb yekunlaşdırmalıyıq”, - Tleuberdi qeyd edib.

Xarici İşlər Nazirliyinin rəhbəri bildirib ki, bu il Qazaxıstanın MDB-də sədrliyi çərçivəsində nəzərdə tutulan bütün tədbirlər planlaşdırıldığı kimi həyata keçirilir.
“Ümumiyyətlə, çoxtərəfli gündəliyin bütün spektri üzrə əməkdaşlıq kifayət qədər yaxşı səviyyədə saxlanılır. Fürsətdən istifadə edərək, hörmətli həmkarlar, göstərdiyiniz dəstəyə və yaxşı əlaqələndirilmiş işinizə görə təşəkkürümü bildirmək istəyirəm”, - deyə o bildirib.
MDB Xarici İşlər Nazirləri Şurasının iclasının iştirakçıları regional və beynəlxalq gündəlikdəki məsələləri, xarici işlər nazirlikləri arasında əməkdaşlığın dərinləşdirilməsini müzakirə edəcəklər. Gözlənildiyi kimi, nazirlər MDB-nin qarşıdan gələn sammitinin, həmçinin oktyabrın 28-də Astanada keçirilməsi planlaşdırılan Birlik Hökumət Başçıları Şurasının iclasının imzalanması üçün təqdim olunan sənədlərin layihələrinə baxacaqlar.
Xəbər lenti
0