Кабинет химии в школе, фото из архива - Sputnik Azərbaycan, 1920
TƏHSİL
Təhsilə dair xəbərlər və məqalələr

Nazirlik Musiqi Məktəbində aparılan araşdırmaların nəticəsini açıqlayıb

© Sputnik / Shahperi Abbasova Musiqi Məktəbi
 Musiqi Məktəbi - Sputnik Azərbaycan, 1920, 30.09.2022
Xəbərlərə abunə olun
НовостиTelegram
Məktəbdə tədrisin təşkili ilə bağlı ciddi nöqsanların olması, "Korrupsiyaya qarşı mübarizə haqqında" Azərbaycan Respublikasının Qanununun 7-ci maddəsinin tələblərinin pozulması barədə məlumatlar aşkar olunub.
BAKI, 30 sentyabr — Sputnik. Mədəniyyət Nazirliyinin tabeliyində fəaliyyət göstərən Göyçay şəhər Arif Məmmədov adına Uşaq Musiqi Məktəbinin direktor müavini və bəzi müəllimlərinin yeni direktor təyinatına qarşı itaətsizlikləri və etirazları nəticəsində məktəbdə yaranan vəziyyətlə bağlı mediada yayımlanan məlumatlarla əlaqədar və məktəbin ümumi fəaliyyətinə dair Nazirlik tərəfindən xidməti araşdırma aparılıb.
Nazirlikdən verilən məlumata görə, araşdırma nəticəsində məktəb rəhbərliyinin, həmçinin bəzi müəllimlərin təşkilatçılığı və iştirakı ilə ictimai qaydanı kobud surətdə pozan, vətəndaşların təhsil müəssisəsinə və müəllimə etimadının azalmasına, müəssisənin normal iş fəaliyyətinin iflic edilməsinə səbəb olan hərəkətlərə yol verildiyi, bunun nəticəsində təhsil müəssisəsində sağlam işgüzar mühit korlandığı məlum olub.
Eyni zamanda, məktəbdə tədrisin təşkili ilə bağlı ciddi nöqsanların olması, "Korrupsiyaya qarşı mübarizə haqqında" Azərbaycan Respublikasının Qanununun 7-ci maddəsinin tələblərinin pozularaq vəzifəli şəxslərin yaxın qohumlarının birgə işləməsinə yol verilməsi, məktəbin fəaliyyətində dövlət vəsaitinin israf edilməsi halları, korrupsiya ilə əlaqədar hüquqpozmalara yol verildiyi barədə məlumatlar aşkar olunub.
01.09.2022-ci il tarixində məktəbdə baş verən hadisənin iştirakçıları olan müəllimlərin əksəriyyəti məktəb rəhbərliyinin qohumları olmaqla sabiq direktor Rövşən Zamanovun bacısı, bacısının həyat yoldaşı, bacısının qızı, bibisi nəvəsi və tədris işləri üzrə direktor müavini Afət Məmmədovanın qudası, qardaşının həyat yoldaşı, qızının əri, qızının ərinin qardaşı və digər qohumlarından ibarətdir.
Bildiririk ki, qeyd olunan hallarla bağlı qanunvericiliyə uyğun olaraq hüquq-mühafizə orqanlarına müraciət olunub. Eyni zamanda, hazırda məktəbdə sağlam işgüzar mühitin yaradılması, vətəndaşların təhsil müəssisəsinə və müəllimə etimadının bərpa olunması, müəssisənin normal iş fəaliyyətinin təşkil olunması istiqamətində zəruri tədbirlər görülməkdədir.
Xəbər lenti
0