https://sputnik.az/20220928/macaristan-yasil-enerji-dehlizinde-azerbaycanin-terefdasi-olmaqda-qerarlidir-446818889.html

"Macarıstan Yaşıl Enerji dəhlizində Azərbaycanın tərəfdaşı olmaqda qərarlıdır"

"Macarıstan Yaşıl Enerji dəhlizində Azərbaycanın tərəfdaşı olmaqda qərarlıdır"

Sputnik Azərbaycan

Hazırda TDT üzvləri ilə ticarət dövriyyəmizin 4,6 milyard dolları ötdüyü, bu ölkələrin iqtisadiyyatımıza 13,8 milyard dollar, Azərbaycanın isə üzv dövlətlərə... 28.09.2022, Sputnik Azərbaycan

2022-09-28T19:28+0400

2022-09-28T19:28+0400

2022-09-28T19:28+0400

enerji

iqtisadiyyat

energetika nazirliyi

energetika naziri pərviz şahbazov

https://cdnn1.img.sputnik.az/img/07e5/07/06/427398336_0:92:3317:1957_1920x0_80_0_0_578215ed4224f932c8bb34e2075f1367.jpg

BAKI, 28 sentyabr — Sputnik. Energetika naziri Pərviz Şahbazov Qazaxıstanın Almatı şəhərində keçirilən Türk Dövlətləri Təşkilatının (TDT) enerji nazirlərinin ikinci iclasında iştirak edib.Nazir çıxışında TDT-ni müasir geosiyasi və enerji təhlükəsizliyi reallıqlarında strateji əhəmiyyəti artan effektiv əməkdaşlıq platforması kimi qiymətləndirib. Türk dövlətləri liderlərinin son dövrlərdə intensivləşən qarşılıqlı səfərlərinin, ölkələrimiz arasında münasibətlərin dərinləşməsini, müttəfiqlik səviyyəsinə yüksəlməsini təmin edən qərarlarının türk birliyinin möhkəmləndirilməsinə xidmət etdiyini qeyd edib. Xüsusən də, Azərbaycan Prezidenti cənab İlham Əliyevin strateji təşəbbüsləri və Vətən müharibəsindəki qələbəmizin uzun illərdən sonra türk dünyasının Zəngəzur dəhlizi vasitəsilə coğrafi birliyi üçün imkan yaratdığı vurğulanıb.Hazırda TDT üzvləri ilə ticarət dövriyyəmizin 4,6 milyard dolları ötdüyü, bu ölkələrin iqtisadiyyatımıza 13,8 milyard dollar, Azərbaycanın isə üzv dövlətlərə 21,3 milyard dollar investisiya qoyduğu bildirilib.TDT enerji nazirlərinin ilk görüşündən ötən dövr ərzində Türkiyə ilə Şuşa Bəyannaməsinin imzalanması, Türkmənistanla təbii qaz mübadiləsinə başlanması, “Dostluq” yatağı üzrə işbirliyi, Özbəkistanla 30 istiqaməti əhatə edən Yol Xəritəsinin imzalanması, Qazaxıstanla enerji tərəfdaşlığının genişləndirilməsi planları ilə Azərbaycanın türk dövlətləri arasında enerji əməkdaşlığına töhfə verdiyi qeyd edilib.Elektrik enerjisinin Türkiyə üzərindən Zəngəzur dəhlizi və Macarıstanın da qoşulacağı Qara dəniz sualtı elektrik xətti ilə nəqlinin isə türk dövlətlərinin enerji birliyini, həmçinin Avropa ilə inteqrasiyasını təmin edəcəyi bildirilib. Bu xüsusda, BTC və Cənub Qaz Dəhlizinin perspektivləri diqqətə çatdırılıb. “TANAP və TAP-ın şaxələndirilmiş və dayanıqlı enerji təchizatındakı rolu Aİ-nin Azərbaycanla strateji enerji tərəfdaşlığının yenilənməsini və 2027-ci ilədək Avropaya ixracın 20 milyard kubmetrə çatdırılmasını zəruri etdi. Cənub Qaz Dəhlizinin genişləndirilməsi təkcə Azərbaycan və Türkiyənin geniş coğrafiyada enerji təhlükəsizliyinin təminatındakı mövqelərini möhkəmləndirmir, qardaş ölkələrin də yeni bazarlara çıxışına imkanlar yaradır.”Bildirilib ki, ötən ildən indiyə kimi TANAP və TAP ilə Türkiyə 9,6 milyard kubmetr, Avropa isə 16 milyard kubmetrdən çox təbii qazla təchiz edilib. Həmçinin Qarabağ bölgəsinin “Yaşıl enerji” zonasına çevrilməsində türk dövlətlərinin iştirakının, bərpa olunan enerji və enerji səmərəliliyi sahələrində aktiv əməkdaşlığın vacibliyi vurğulanıb. Qeyd edilib ki, Azərbaycanın türk dövlətləri ilə enerjidəki bu yeni addımları və müasir enerji kursu “Türk dünyası baxışı - 2040” sənədində enerji ilə bağlı hədəflərin gerçəkləşməsinə töhfə olacaq.Qeyd edək ki, Azərbaycan, Türkiyə, Qazaxıstan, Qırğızıstan və Özbəkistan Türk Dövlətləri Təşkilatına üzv, Türkmənistan və Macarıstan isə müşahidəçi dövlətlərdir.***Macarıstan Qara dəniz sualtı elektrik xətti layihəsində iştirak etməklə Yaşıl Enerji dəhlizində Azərbaycanın tərəfdaşı olmaqda qərarlıdır.Bu barədə energetika naziri Pərviz Şahbazov özünün "Twitter" hesabında yazıb.Onun sözlərinə görə, bu məsələ bu gün Qazaxıstanın Almatı şəhərində keçiriləcək Türk Dövlətləri Təşkilatı (TDT) enerji nazirlərinin 2-ci iclası çərçivəsində P.Şahbazovun Macarıstanın xarici işlər və ticarət naziri Peter Siyarto ilə görüşündə müzakirə olunub.Nazir P. Siyarto ilə səmərəli görüşünün olduğunu da vurğulayıb.Xatırladaq ki, iclas çərçivəsində neft-qaz, neft-kimya, bərpa olunan və ağıllı enerji, enerji səmərəliliyi sahələrində əməkdaşlıq, yaşıl enerji keçidi, dayanıqlı enerjinin inkişafı üzrə müzakirələr aparılacaq. İclasda P. Şahbazovun çıxışı, iclasdan sonra isə ikitərəfli görüşləri nəzərdə tutulub.

2022

xəbərlər

ru_AZ

enerji, energetika nazirliyi, energetika naziri pərviz şahbazov