Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Şuşaya ilk olaraq qəzalı binalarda yaşayanlar köçürüləcək

Şuşa - Sputnik Azərbaycan, 1920, 27.09.2022
Abunə olmaq
Şuşa Rayon İcra Hakimiyyətinin başçısı Bayram Səfərov deyib ki, nə zaman göstəriş verilsə, RİH-in binası o zaman Şuşaya köçürüləcək.
BAKI, 27 sentyabr — Sputnik. Artıq Şuşada yaşayış binasının tikintisinə başlanıb, prezidentin xüsusi nümayəndəsi bu işlərlə məşğuldur.
Bunu Şuşa Rayon İcra Hakimiyyətinin (RİH) başçısı Bayram Səfərov deyib.
O bildirib ki, burada əhali ilə Şuşa Rayon İcra Hakimiyyəti işləyir: “Yəqin ki, ilk olaraq qəzalı binalarda yaşayan sakinlər Şuşaya köçürüləcək”.
B.Səfərov Şuşa RİH-in binasının Şuşaya nə zaman köçürülməsi məsələsinə də münasibət bildirib. O qeyd edib ki, nə zaman göstəriş verilsə, RİH-in binası o zaman Şuşaya köçürüləcək. (Apa)
Xatırladaq ki, Şuşa şəhəri 1992-ci il may ayının 8-də erməni birləşmələri tərəfindən işğal edilib. Şuşanın işğalı nəticəsində şəhərdə 195 nəfər Azərbaycan vətəndaşı xüsusi amansızlıqla qətlə yetirilib, 165 nəfər yaralanıb, onlardan 150 nəfəri əlil olub, 552 körpə valideynlərini itirib, 20 mindən artıq əhali isə doğma yuvasını tərk edərək məcburi köçkün vəziyyətinə düşüb.
28 il erməni tapdağında qalan Şuşa 2020-ci ilin 8 noyabr tarixində müzəffər Azərbaycan Ordusu tərəfindən azad olunub.
Xəbər lenti
0