CƏMİYYƏT
Cəmiyyətin həyatında baş verən aktual hadisələr

Gömrükçülər külli miqdarda "iPhone" telefonları aşkar ediblər

© Photo : Azerbaijan State Customs CommitteeGömrükçülər külli miqdarda "iPhone" telefonları aşkar ediblər
Gömrükçülər külli miqdarda iPhone telefonları aşkar ediblər - Sputnik Azərbaycan, 1920, 26.09.2022
Abunə olmaq
Vətəndaşlara məxsus çamadanlar rentgen aparatından keçən zaman mobil telefonlara bənzər təsvirlərin əks olunduğu müəyyən edilib.
BAKI, 26 sentyabr — Sputnik. Dövlət Gömrük Komitəsinin Hava Nəqliyyatında Baş Gömrük İdarəsinin əməkdaşları tərəfindən külli miqdarda mobil telefonların ölkənin gömrük sərhədindən qanunsuz yolla keçirilməsi cəhdinin qarşısı alınıb.
Bu barədə Dövlət Gömrük Komitəsindən bildirilib.
Məlumata görə, Doha-Bakı aviareysi ilə gələn Rusiya və Azərbaycan vətəndaşları "Yaşıl kanal" buraxılış sistemi vasitəsilə gömrük nəzarət zonasını tərk etmək istəyərkən gömrükçülər tərəfindən "Qırmızı kanal"a yönləndiriliblər.
Vətəndaşlara məxsus çamadanlar rentgen aparatından keçən zaman mobil telefonlara bənzər təsvirlərin əks olunduğu müəyyən edilib.
Yoxlama zamanı Rusiya vətəndaşının çamadanından 40 ədəd, Azərbaycan vətəndaşının çamadanından isə 41 ədəd olmaqla ümumilikdə 81 ədəd əvvəlcədən gömrük orqanına təqdim edilməyən, şifahi, elektron və yazılı formada bəyan olunmayan müxtəlif yaddaşlarda "iPhone" markalı (15 ədəd "iPhone 14 Pro 128gb", 20 ədəd "iPhone 14 Pro 256gb", 5 ədəd "iPhone 14 Pro 512gb", 20 ədəd "iPhone 14 Pro Max 128gb", 20 ədəd "iPhone 14 Pro Max" 256gb", 1 ədəd iPhone 13 Pro 256 gb") mobil telefon aşkar edilib.
Hər iki faktla bağlı araşdırma aparılır.
Xəbər lenti
0