Купюра номиналом в 200 AZN, фото из архива - Sputnik Azərbaycan, 1920
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Ət ucuzlaşacaqmı - Baytarlıq arayışının alınması üçün rüsum ləğv edilir

© AP Photo / Victor R. CaivanoƏt, arxiv şəkli
Ət, arxiv şəkli - Sputnik Azərbaycan, 1920, 23.09.2022
Xəbərlərə abunə olun
НовостиTelegram
Hazırda baytarlıq arayışının verilməsi (bir sənəd) üçün 5 manat dövlət rüsumu tutulur.
BAKI, 23 sentyabr — Sputnik. Baytarlıq arayışının alınması ilə bağlı dövlət rüsumu ləğv edilir. Bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan və parlamentin plenar iclasına tövsiyə edilən "Dövlət rüsumu haqqında" qanuna dəyişiklikdə əksini tapıb.
Qanun layihəsi sahibkarlığa dövlət dəstəyinin artırılması, istehlakçıların hüquqlarının qorunması, heyvan mənşəli məhsullarda kəskin qiymət artımının qarşısının alınması məqsədilə şəhər (rayon) ərazisində baytarlıq yükünün daşınması üçün tələb olunan baytarlıq arayışının alınması ilə bağlı dövlət rüsumunun ləğv edilməsi ilə əlaqədar hazırlanıb.
© © Dövlət Baytarlıq Xidmətinin mətbuat xidməti tərəfindən təqdim olunubEpizootiya əleyhinə profilaktik tədbirlər, arxiv şəkli
Tovuz rayonunda epizootiya əleyhinə profilaktik tədbirlərə başlanilib - Sputnik Azərbaycan, 1920, 23.09.2022
Epizootiya əleyhinə profilaktik tədbirlər, arxiv şəkli
İclasda baytarlıq arayışının alınması ilə bağlı dövlət rüsumunun ləğv edilməsinin sahibkarlığa dövlət dəstəyinin artırılması, istehlakçıların hüquqlarının qorunması, heyvan mənşəli məhsullarda kəskin qiymət artımının qarşısının alınması məqsədi daşıdığı nəzərə çatdırılıb.
Qeyd edək ki, hazırda qüvvədə olan qanuna görə, baytarlıq arayışının verilməsi (bir sənəd) üçün 5 manat dövlət rüsumu nəzərdə tutulub.
Xatırladaq ki, ölkə daxilində heyvanların, heyvan mənşəli məhsulların və xammalın hər hansı bir inzibati ərazidən kənara çıxarılmasına yalnız həmin ərazinin dövlət baytarlıq müfəttişi tərəfindən belə yüklərə tərtib edilmiş müvafiq arayış və ya şəhadətnamə verildikdə yol verilir.
Xəbər lenti
0