Уникальные бакинские здания, созданные в стиле модерн - Sputnik Azərbaycan, 1920
MƏDƏNİYYƏT
Azərbaycanın mədəni həyatında baş verən önəmli hadisələr

Dünyanın ən məşhur şairləri "Şuşaya salam" layihəsində bir araya gəldilər

© Sputnik / Kemale Aliyeva"Şuşaya salam" Beynəlxalq Poeziya layihəsinin təqdimat mərasimi
Şuşaya salam Beynəlxalq Poeziya layihəsinin təqdimat mərasimi  - Sputnik Azərbaycan, 1920, 23.09.2022
Xəbərlərə abunə olun
НовостиTelegram
"Şuşaya salam" Beynəlxalq Poeziya layihəsi çərçivəsində 30 ölkədən 44 nəfər tanınmış ədəbiyyatçı və şair Şuşa üçün şeir oxuyacaq. Azərbaycandan isə layihəyə 8 şair qoşulub
BAKI, 23 sentyabr — Sputnik. Bu gün Azərbaycan Yazıçılar Birliyinin "Natəvan" klubunda "Şuşaya salam" Beynəlxalq Poeziya layihəsinin təqdimat mərasimi keçirilib. Layihə Mədəniyyət Nazirliyi, Azərbaycan Yazıçılar Birliyi və "Space" Müstəqil Teleradio Şirkətinin birgə təşkilatçılığı ilə həyata keçirilib.
Tədbirdə Azərbaycan Yazıçılar Birliyinin (AYB) sədri Anar Rzayev, Mədəniyyət Nazirliyinin nümayəndəsi Akif Maarifli, tanınmış Xalq yazıçısı Çingiz Abdullayev, Azərbaycan Yazıçılar Birliyinin katibi, şair-publisist Səlim Babullaoğlu, "Space" Müstəqil Teleradio şirkətinin prezidenti Müşfiq Hətəmov və bir sıra tanınmış şəxslər iştirak edib.
Tədbirin açılış nitqində çıxış edən S.Babullaoğlu bildirib ki, layihə ilə əlaqədar dünyanın ayrı-ayrı 30 ölkəsindəki yazıçılara müraciət edilib: "Sentyabr ayının 27-dən başlayaraq hər gün bir əcnəbi yazıçının səsləndirdiyi şeir "Space" TV-də yayımlanacaq və bu, Zəfər gününə - noyabrın 8-dək qədər davam edəcək. ABŞ, Böyük Britaniya, Ruminiya, Macarıstan, Moldova, Gürcüstan, Qazaxıstan, Qırğızıstan, İran, Montoneqro, Bosniya-Hersoqovina, Pakistan, Türkiyə kimi ölkələrdən bu layihəyə şairlər qoşuldular. 30 ölkədən 44 şair və yazar, Azərbaycandan isə 8 şair bu lahiyəyə qoşulacaq".
© Sputnik / Kemale Aliyeva"Şuşaya salam" Beynəlxalq Poeziya layihəsinin təqdimat mərasimi
Презентация международного поэтического проекта Şuşaya Salam  - Sputnik Azərbaycan, 1920, 23.09.2022
"Şuşaya salam" Beynəlxalq Poeziya layihəsinin təqdimat mərasimi
Daha sonra çıxış edən AYB sədri Anar qeyd edib ki, Qarabağ müharibəsi başlayandan bəri Yazıçılar Birliyi hər zaman hadisələrin mərkəzində olub: "Yazıçılar Birliyi təbliğat işlərində hər zaman olduğu kimi bundan sonra da daha da intensiv rol alacaq. Bizim haqq işimizi təbliğ etməyimiz üçün bu layihə çox vacibdir. Dünya ölkələrin şairləri öz əsərləri vasitəsi ilə Şuşanı təbliğ etdilər".
"Space" Müstəqil Teleradio şirkətinin prezidenti Müşfiq Hətəmoğlu layihə barəsində çıxış edib: "Müxtəlif tribunalardan Qarabağ həqiqətləri barədə 30 ildir ki, danışırıq. Lakin sözügedən layihə haqq işimizin təbliğində xüsusi yeri olacaq. Həqiqətlərimizin müxtəlif ölkələrdən şairlərin dili ilə deyilməsi Qarabağın Azərbaycanın bir parçası olmasını bir daha bütün dünyaya sübut edəcək".
© Sputnik / Kemale Aliyeva"Şuşaya salam" Beynəlxalq Poeziya layihəsinin təqdimat mərasimi
Презентация международного поэтического проекта Şuşaya Salam  - Sputnik Azərbaycan, 1920, 23.09.2022
"Şuşaya salam" Beynəlxalq Poeziya layihəsinin təqdimat mərasimi
Mədəniyyət Nazirliyinin nümayəndəsi Akif Maarifli qeyd edib ki, torpaqlarımızın işğaldan azad edilməsi ilə nazirliyin üzərinə böyük iş düşüb:
"Biz çalışırıq ki, Qarabağ həqiqətlərini mədəniyyətin dili ilə çatdıraq. Bu layihə dünya xalqlarının fikrində Qarabağla bağlı düzgün imic formalaşdırılmasına kömək edəcək".
Azərbaycan Yazıçılar Birliyinin birinci katibi Çingiz Abdullayev qeyd edib ki, tarixdə yazıçıların yazdıqları qalır:"Çünki yazıçının, şairin sözü əbədi yaşayır. Əslində, yaxşı yazıçı xalqın əbədiyyətdəki vəkilidir. Baxın dünyada nə qədər şahlar, krallar, xanlar olub. Hamısı gəlib, gedib. Heç əksəriyyətinin izi-tozu da qalmayıb. Həmişə Nizaminin qəbrini ziyarət edəndə düşünürəm ki, Nizaminin dövründən bu günə qədər Azərbaycanda nə qədər siyasətçilər, ölkə rəhbərləri, xanlar, şahlar olub. Demək olar ki, əskəriyyəti zamanla unudulub. Amma Nizaminin əsərləri unudulmayıb. Bütün dünya onu tanıyır. 100 ildən sonra biz də olmayacağıq, amma yazdığımız əsərlər qalacaq".
© Sputnik / Kemale Aliyeva"Şuşaya salam" Beynəlxalq Poeziya layihəsinin təqdimat mərasimi
Презентация международного поэтического проекта Şuşaya Salam  - Sputnik Azərbaycan, 1920, 23.09.2022
"Şuşaya salam" Beynəlxalq Poeziya layihəsinin təqdimat mərasimi
Xatırladaq ki, təqdim edilən layihə "Şuşa İli"nə həsr olunub və layihə çərçivəsində 30 ölkədən 44 nəfər tanınmış ədəbiyyatçı və şair Şuşa üçün şeir oxuyacaq. Azərbaycandan layihəyə 8 şair qoşulub.
Qeyd edək ki, "Şuşaya salam" layihəsi 27 sentyabr - 8 noyabr tarixlərində baş tutacaq.
Xəbər lenti
0