Dövlət Bayrağı meydanı - Sputnik Azərbaycan, 1920
AZƏRBAYCAN XƏBƏRLƏRİ
Azərbaycana dair ən son xəbərlər və aktual məqalələr

Azərbaycana payız gəlib

© Sputnik / Rahim MuradovTalış meşələrinin gecikən qızıl payızı
Talış meşələrinin gecikən qızıl payızı - Sputnik Azərbaycan, 1920, 23.09.2022
Abunə olmaq
Şimal yarımkürəsində isə payız fəsli dekabrın 22-nə qədər davam edəcək. Bu zaman Yerin fırlanma oxu Günəş istiqaməti ilə ən böyük bucaq əmələ gətirəcək.
BAKI, 23 sentyabr - Sputnik. Azərbaycana payız fəsli daxil olub.
Şamaxı Astrofizika Rəsədxanasının yaydığı məlumata görə payız fəsli Azərbaycana bu gün Bakı vaxtilə saat 05:03-də daxil olub.
Bu gün gecə-gündüz bərabərliyi ilə Yerin şimal yarımkürəsində payız fəsli başlayır. Bu zaman gecə ilə gündüz bərabərləşir. Günəş ekliptika üzrə hərəkət edərək şimal yarım kürəsindən cənub yarımkürəsinə keçir və həmin andan şimal yarımkürəsində payız fəsli başlayır.
Qeyd edək ki, şimal yarımkürəsində payız fəsli dekabrın 22-nə qədər davam edəcək. Dekabrın 22-i saat 01:48-də qış fəsli payızı əvəz edəcək. Bu zaman Yerin fırlanma oxu Günəş istiqaməti ilə ən böyük bucaq əmələ gətirəcək. Günəş üfüqdən minimum hündürlükdə (26⁰.2) olur. Həmin gün ən qısa Gündüz və ən uzun Gecə olacaq. Gündüzün uzunluğu 9 saat 17 dəq. 22 san., gecənin uzunluğu isə 14 saat 42 dəq. 38 san. olacaq.
Xəbər lenti
0