https://sputnik.az/20220922/set-getdikce-nufuzlu-bir-teskilata-cevrilmekdedir---kamile-eliyeva-446340455.html

ŞƏT getdikcə nüfuzlu bir təşkilata çevrilməkdədir - Kamilə Əliyeva

ŞƏT getdikcə nüfuzlu bir təşkilata çevrilməkdədir - Kamilə Əliyeva

Sputnik Azərbaycan

Millət vəkili ŞƏT-in Səmərqənddə keçirilən Sammitində Azərbaycan Respublikasının Prezidenti İlham Əliyevin çıxışına diqqət çəkib. 22.09.2022, Sputnik Azərbaycan

2022-09-22T10:45+0400

2022-09-22T10:45+0400

2022-09-22T10:50+0400

şət

siyasət

sammit

millət vəkili

prezident ilham əliyev

https://cdnn1.img.sputnik.az/img/07e4/09/0f/424938943_0:0:1000:563_1920x0_80_0_0_d1ceceed14e556ae8c334f00809c2523.jpg

BAKI, 22 sentyabr — Sputnik. "Şanxay Əməkdaşlıq Təşkilatı siyasi və hərbi bir təşkilat olmasa da, iqtisadi sahədə formalaşmış böyük bir platformadır. Rusiya, Çin, Hindistan və Pakistan kimi böyük dövlətlərin üzv olduğu ŞƏT getdikcə nüfuzlu bir təşkilata çevrilməkdədir". Bunu Milli Məclisin deputatı, professor Kamilə Əliyeva deyib.O bildirib ki, cari il sentyabrın 15-16-da ŞƏT-in Özbəkistanın Səmərqənd şəhərində keçirilən Sammitinə Azərbaycan Respublikasının Prezidenti cənab İlham Əliyevin mötəbər qonaq kimi dəvət olunması Azərbaycan dövlətinin dünyada artan nüfuzundan xəbər verir: "Ölkəmiz Avropanın enerji təhlükəsizliyi ilə yanaşı, Asiya qitəsində yerləşən dövlətlərin iqtisadi cəhətdən inkişaf etməsində müstəsna rol oynayır. Şanxay Əməkdaşlıq Təşkilatına üzv dövlətlərin, xüsusən, iqtisadi cəhətdən də dünyanın ən öndə gedən dövlətlərindən biri olan Çinin, istər Şərq-Qərb, istərsə də Şimal-Cənub marşrutları ilə quru yolla Avropaya çıxışı Azərbaycan ərazisindən keçir. Azərbaycan Şərq-Qərb və Şimal-Cənub nəqliyyat qovşağı istiqamətlərində və dəmir yolu, avtomobil magistrallarında hərəkətin asanlaşdırılması üçün böyük nəqliyyat infrastrukturu yaratmışdır. ŞƏT-ə üzv dövlətlər Azərbaycanın təklif etdiyi nəqliyyat marşrutlarına və ölkə daxilində yaratdığı nəqliyyat qovşağına böyük üstünlük verirlər. Ölkəmiz dəniz yükdaşımaları sahəsində də bütün dünya üçün əhəmiyyətli layihələr həyata keçirib. Bakı Beynəlxalq Dəniz Ticarət Limanı vasitəsilə yükdaşımaların həcmi hər il artmaqdadır".Millət vəkili ŞƏT-in Səmərqənddə keçirilən Sammitində Azərbaycan Respublikasının Prezidenti cənab İlham Əliyev çıxışına diqqət çəkib: "Ölkə başçımız çıxışında Azərbaycanda yaradılmış böyük nəqliyyat infrastrukturunun hazırkı vəziyyətindən, ölkəmizin Şərq-Qərb və Şimal-Cənub nəqliyyat dəhlizləri kimi regional kommunikasiya layihələrinin işə düşməsinə böyük töhfə verməsindən, eləcə də Ermənistanın Azərbaycana qarşı törətdiyi irimiqyaslı hərbi təxribatlar barədə ətraflı məlumat verdi. Bu gün Azərbaycan Xəzər dənizində ən böyük mülki yük donanmasına malikdir. Azərbaycanda ən böyük və müasir texnologiyalara malik Bakı Gəmiqayırma Zavodu bütün növ gəmilər istehsal etmək gücündədir. Son 20 ildə Azərbaycanda 20 min km yaxın avtomobil yolu, 1400 km dəmir yolu xətti çəkilmişdir. İşğaldan azad edilmiş ərazilərdə hal-hazırda da avtomobil və dəmir yollarının çəkilişi davam etdirilir"."Ölkə başçımız çıxışında Ermənistanın sentyabr 13-də Azərbaycana qarşı törətdiyi təxribata da toxundu. Bütün dünya ictimaiyyəti, beynəlxalq təşkilatlar bilməlidirlər ki, regionda baş verən bütün təxribatlara görə Ermənistanın hərbi-siyasi rəhbərliyi məsuliyyət daşıyır. Azərbaycan rəhbərliyi bütün dünyaya baş vermiş hərbi təxribatın məhz Ermənistan tərəfindən başlanılması barədə sübut və dəlillər təqdim edib. BMT TŞ-nin Ermənistan silahlı qüvvələrinin təcili və qeyri-şərtsiz Azərbaycan ərazisindən çıxarılması barədə 4 qətnamə kağız üzərində qalmayıb icra olunsaydı və Ermənistan tərəfi konstruktiv mövqe nümayiş etdirsəydi, bölgədə müharibə baş verməzdi. Azərbaycan dövləti BMT TŞ-nin qəbul etdiyi 4 qətnamənin icrasını özü yerinə yetirdi, torpaqlarını işğaldan azad etməklə yanaşı, beynəlxalq hüququ da bərpa etdi. Azərbaycan tərəfi Azərbaycan və Ermənistanın suverenliyi və ərazi bütövlüyünün toxunulmazlığını nəzərə almaqla 5 bənddən ibarət prinsip təqdim edib. Azərbaycan Ermənistanla bu prinsiplər əsasında sülh sazişinin bağlanması barədə öz fikrini bütün beynəlxalq təşkilatlara və dünya ictimaiyyətinə çatdırıb. Bu 5 prinsip beynəlxalq hüququn norma və prinsiplərinə əsaslanıb", - deyə millət vəkili qeyd edib.

2022

xəbərlər

ru_AZ

şət, sammit, millət vəkili, prezident ilham əliyev