Портфель чиновника, фото из архива - Sputnik Azərbaycan, 1920
SİYASƏT
Ölkənin ictimai-siyasi həyatına, xarici siyasətə, beynəlxalq siyasi gündəmə dair məqalələr

Rusiyadan Şimali Kiprə birbaşa uçuşların başlamasından məmnun olarıq - Ərdoğan

© Sputnik / Александр Демьянчук Rusiya prezidenti Vladimir Putin və Türkiyə prezidenti Rəcəb Tayyib Ərdoğan görüş zamanı
 Rusiya prezidenti Vladimir Putin və Türkiyə prezidenti Rəcəb Tayyib Ərdoğan görüş zamanı - Sputnik Azərbaycan, 1920, 22.09.2022
Xəbərlərə abunə olun
НовостиTelegram
Türkiyə prezidentinin sözlərinə görə, Rusiyanın turizm potensialı çox yüksəkdir. Şimali Kipr Türk Respublikasının ən mühüm gəlir mənbələrindən biri də turizmdir.
BAKI, 22 sentyabr - Sputnik. “Rusiyadan Şimali Kipr Türk Cümhuriyyətinə birbaşa uçuşlar başlamasından məmnun olarıq”.
Bunu Türkiyə Prezidenti Rəcəb Tayyib Ərdoğan ABŞ-ın Nyu-York şəhərindən səfərdən qayıdandan sonra söyləyib.
“Təbii ki, bizim Şimali Kiprlə bağlı siyasətimiz aydındır. Bu, mübahisəyə açıq deyil. Biz Şimali Kipri ​​təsadüfi bir ölkə kimi görmürük. Biz bunu özümüz kimi qəbul etmişik, belə də görürük, belə də görəcəyik. Rusiya Prezidenti Putinlə görüşlərimizdə Şimali Kipr məsələsinə də toxundum. Mən onunla bu barədə davamlı danışmışam.
Biz hər zaman Kiprdəki haqlı mübarizəmizi ölkəmizdə qəbul etdiyimiz və ya səfər etdiyimiz bütün liderlərə təkrarlamış və bildirmişik ki, məsələ ədalətli və daimi şəkildə həll olunmalıdır. Təbii ki, Rusiyadan Şimali Kipr Türk Respublikasına birbaşa uçuşlar başlasa, məmnun olarıq. Bunun başqa çox vacib tərəfi odur ki, Rusiyanın turizm potensialı çox yüksəkdir. Şimali Kipr Türk Respublikasının ən mühüm gəlir mənbələrindən biri də turizmdir”, - Prezident qeyd edib.
Dövlət başçısı ŞKTR-yə belə turistik axımın olması halında bu ölkədə ciddi iqtisadi sıçrayışa səbəb olacağına inandığını söyləyib:
“Artıq turizm üçün çox yaxşı infrastruktura malik ölkədir. İnşallah, bu mövzuda alınacaq nəticələr Şimali Kipr Türk Respublikasını daha da irəli aparacaq. Ümid edirəm ki, qarşıdakı dövrdə Şimali Kipr Türk Cümhuriyyətinin tanınması ilə oranı çox fərqli bir gələcək gözləyir”.
Xatırladaq ki, daha öncə Türkiyə KİV-də Şimali Kipr və Rusiya arasında birbaşa uçuşların olacağına dair məlumat yayılmışdı (Report). Daha sonra Rusiyanın Cənubi Kiprdəki səfiri Murad Zyazikov bu məlumatı təkzib etmişdi.
Xəbər lenti
0