CƏMİYYƏT
Cəmiyyətin həyatında baş verən aktual hadisələr

Mina təhlükəsi barədə xəbərdarlıq edəcək tətbiq yaradılır

© Photo : REPORTMina nişanı, arxiv şəkli
Mina nişanı, arxiv şəkli - Sputnik Azərbaycan, 1920, 20.09.2022
Abunə olmaq
Elektron hökumətin inkişafı mərkəzinin əməkdaşı bildirib ki, əgər vətəndaş təmiz ərazi deyilən zonalarda təsadüfən hər-hansı sursatla rastlaşarsa, tətbiq vasitəsilə SOS siqnalı verərək həmin ərazini işarələyə bilər.
BAKI, 20 sentyabr — Sputnik. İşğaldan azad edilən ərazilərdə yaşayan, həmin ərazilərə köç edən insanların təhlükəsizliyini təmin etmək məqsədilə xüsusi mobil əlavə yaradılır. Bunu "APA-Economics"ə Elektron hökumətin inkişafı mərkəzinin əməkdaşı Qasim Hüseynov deyib.
Onun sözlərinə görə, söhbət mina təhlükəsi barədə xəbərdarlıq edəcək tətbiqdən gedir ki, onun vasitəsilə həmin ərazilərdə olan sakinlər müəyyən olunan təhlükəsiz zonalardan kənar düşdükdə bildirişlər ala biləcəklər.
© © Unsplash / Omar Al-GhossonƏlində telefon tutmuş sürücü, arxiv şəkli
Водитель с телефоном в руке - Sputnik Azərbaycan, 1920, 20.09.2022
Əlində telefon tutmuş sürücü, arxiv şəkli
"Bildiyimiz kimi, artıq işğaldan azad olunan ərazilərin bir neçə kəndinə sakinlər geri qayıdıb. Həmin ərazilərə ki, minalardan təmizlənib. Lakin elə ərazilər var ki, minalardan tam təmizlənməyib. Bu ərazilərdə yaşayan, köç edən insanların təhlükəsizliyini təmin etmək məqsədilə biz belə bir proqram təklif edirik. Təhlükəsiz zonalar barədə məlumatlar ərazilərin minalardan təmizlənməsi ilə məşğul olan qurumlardan əldə olunur. Vətəndaşlar təyin edilən ərazidən kənarlaşarkən minalanmış zonaya keçməsin deyə bildirişlər alacaqlar", - deyə Qasim Hüseynov qeyd edib.
Onun sözlərinə görə, bununla yanaşı, əgər vətəndaş təmiz ərazi deyilən zonalarda təsadüfən hər-hansı sursatla rastlaşarsa, tətbiq vasitəsilə SOS siqnalı verərək həmin ərazini işarələyə bilər və bu ərazi artıq təhlükəli ərazi kimi işarələnərək müvafiq qurumlara bildirişlər göndəriləcək.
"Eyni zamanda vətəndaş özünü təhlükədə hiss edərsə və yaxud harada olduğunu bilməzsə, SOS düyməsini basaraq məlumat verə biləcək. Müvafiq qurumlar təxliyə tədbirləri görərək həmin ərazidə təmizləmə işləri apara biləcəklər", - deyə Qasim Hüseynov əlavə edib.
Xəbər lenti
0