Автомобильная авария, фото из архива - Sputnik Azərbaycan, 1920
HADİSƏ
Azərbaycanda və dünyada baş verən insident, olay və qəzalar

Baş Prokurorluqdan meşə yanğınları ilə bağlı müraciət

© Official website of President of Azerbaijan RepublicBaş Prokurorluğun binası
Baş Prokurorluğun binası - Sputnik Azərbaycan, 1920, 19.09.2022
Abunə olmaq
Müraciətdə bildirilib ki, meşələrdə olarkən vətəndaşların yanğın təhlükəsizliyi tələblərinə riayət etmələri zəruridir.
BAKI, 19 sentyabr — Sputnik. Baş Prokurorluq meşə yanğınları ilə bağlı vətəndaşlara müraciət edib.
Müraciətdə bildirilib ki, meşələrdə olarkən vətəndaşların yanğın təhlükəsizliyi tələblərinə riayət etmələri zəruridir.
Meşə yanğınları aşkar edildikdə bu barədə dərhal Fövqəladə Hallar Nazirliyinə və ya yerli icra hakimiyyəti orqanlarına məlumat vermək, yanğın aşkar edildikdə, yanğınsöndürmə qüvvələri gələnə qədər onu söndürmək üçün tədbirlər görmək lazımdır.
Müraciətdə yanğınların söndürülməsində dövlət orqanlarına köməklik göstərməyin lazım olduğu da vurğulanıb.
Xatırladaq ki, avqustun 30-da Zaqatala rayonunun Yuxarı Tala kəndi yaxınlığında dağlıq-meşəlik ərazidə yanğın baş verib. FHN-in müvafiq qüvvə və texnikaları, o cümlədən 2 ədəd helikopteri yanğınsöndürmə işlərinə cəlb olunub.
Sentyabrın 2-dən etibarən isə Oğuz, Qəbələ və İsmayıllı rayonlarında meşə yanğınları baş verib. Bir neçə gün öncə Zaqatala, Qəbələ və Oğuzda meşə yanğınları tamamilə söndürülüb.
Xəbər lenti
0