Планета Земля - Sputnik Azərbaycan, 1920
DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Təkbaşına səyahət edən xanımlara: bu ölkələr təhlükəsizdir

© pixabay / SplitShireTurist qadın, arxiv şəkli
Turist qadın, arxiv şəkli - Sputnik Azərbaycan, 1920, 18.09.2022
Xəbərlərə abunə olun
НовостиTelegram
Tədqiqat nəticəsində müəyyən olunub ki, İrlandiyadakı qadınların cəmi 1 faizi onlara münasibətdə zorakılığa haqq qazandırıla biləcəyini hesab edir.
BAKI, 18 sentyabr - Sputnik. Ekspertlər təkbaşına səyahət edən qadınların istirahət etmək üçün gedə biləcəyi ən təhlükəsiz ölkələri müəyyən ediblər. Azərtac-ın xəbərinə görə, bununla bağlı “Bounce” turist məcmuəsi tədqiqat aparıb.
“Travel off Path” nəşrində dərc olunan tədqiqat nəticələrində bildirilir ki, reytinq tərtib edilərkən qadınlara münasibətdə zorakılıq səviyyəsi, evdə zorakılıq, cəmiyyətdə qadınların ünvanına zorakılığa münasibət, gecə vaxtı qadınların tənha gəzməsinin nə dərəcədə təhlükəsiz olması, qadınların qorunmasına dair qanunvericilik, gender bərabərliyi və bir sıra başqa göstəricilər nəzərə alınıb.
Reytinqdə birinci yeri İrlandiya tutub. Bu ölkədə qadınların cəmi 1 faizi hesab edir ki, qadınlara münasibətdə zorakılığa haqq qazandırıla bilər. Kişilər tərəfindən zorakılığa məruz qalmış qadınların sayı, qətl qurbanı olmuş qadınların sayı və qlobal gender bərabərsizliyi indeksinin ən yaxşı göstəricilərindən biri də İrlandiyada qeydə alınıb.
© AP Photo / Peter Morrisonİrlandiya, arxiv şəkli
İrlandiya - Sputnik Azərbaycan, 1920, 17.09.2022
İrlandiya, arxiv şəkli
İkinci yeri Avstriya tutur. Bu ölkədə zorakılığa məruz qalmış qadınların sayı nisbətən aşağıdır, eyni zamanda qadınların 79 faizi bildirib ki, gecə vaxtı evə təkcə gedəndə özlərini təhlükəsiz hiss edirlər.
Üçüncü yeri Norveç tutur. Burada qətl qurbanları olan qadınların hər 100.000 nəfərə düşən sayı ən aşağı olub. Gecə vaxtı evə tək qayıdarkən özlərini təhlükəsizlikdə hiss edən qadınların faizlə sayı ən yüksək (83 faiz), gender bərabərsizliyi isə dünyada ikinci olub.
Turist qadınlar üçün dünyada ən təhlükəsiz 10 ölkə:
1.
İrlandiya (ümumi təhlükəsizlik qiyməti 7,88)
2.
Avstriya (7,70)
3.
Norveç (7,45)
4.
Sloveniya (7,19)
5.
İsveçrə (7,01)
6.
İspaniya (6,97)
7.
Portuqaliya (6,88)
8.
Kanada (6,67)
9.
Niderland (6,15)
10.
Polşa (5,97)
Eyni zamanda, təkbaşına səyahətə çıxan qadınlar üçün ən təhlükəli istiqamət Kolumbiya hesab edilib. Sonrakı yerləri Kosta-Rika, ABŞ və Çili tutur.
Xəbər lenti
0