DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Tokayevdən təklif: ŞƏT hərbi-siyasi əməkdaşlığı genişləndirsin

© Sputnik / Сергей Гунеев / Mediabanka keçidQazaxıstan Prezidenti Kasım-Jomart Tokayev
Qazaxıstan Prezidenti Kasım-Jomart Tokayev  - Sputnik Azərbaycan, 1920, 16.09.2022
Abunə olmaq
Qazaxıstan lideri müdafiə nazirlikləri və xüsusi xidmət orqanları arasında hərbi-siyasi sahədə əməkdaşlığın artırılmasını təklif edir.
BAKI, 16 sentyabr — Sputnik. Qazaxıstan Prezidenti Kasım-Jomart Tokayev Şanxay Əməkdaşlıq Təşkilatına (ŞƏT) üzv dövlətlərin arasında hərbi-siyasi sahədə əməkdaşlığı artırmağa çağırış edib.
Sentyabrın 15-16-da Səmərqənddə ŞƏT-in sammiti keçirilir.
"ŞƏT-in əsas prioriteti regional təhlükəsizliyin möhkəmləndirilməsi olaraq qalır. Bu mühüm sahədə birgə fəaliyyəti nəzərdə tutan əvvəllər qəbul edilmiş sənədlərin icrasını davam etdirmək lazımdır. Ona görə də biz müdafiə nazirlikləri və xüsusi xidmət orqanları arasında hərbi-siyasi sahədə əməkdaşlığın artırılmasını təklif edirik", - Tokayev təşkilatın sammitində çıxış edərkən deyib.
Son üç ildə ilk dəfə əyani keçirilən budəfəki sammitdə ŞƏT-ə üzv dövlətlərin liderlərindən əlavə, üç müşahidəçi ölkə, Belarus, İran və Monqolustan, həmçinin tərəfdaş ölkələr qismində üç ölkə Azərbaycan, Türkmənistan və Türkiyə dəvət olunub. Ermənistanın Baş naziri Nikol Paşinyanın da iştirakı gözlənilirdi, lakin çərşənbə günü axşam onun səfəri ləğv etdiyi məlum olub.
Qeyd edək ki, 2001-ci ildə yaradılmış ŞƏT-ə Hindistan, Qazaxıstan, Çin, Qırğızıstan, Rusiya, Tacikistan, Pakistan və Özbəkistan üzvdür. Müşahidəçi ölkələr - Əfqanıstan, Belarus, İran və Monqolustan, tərəfdaş ölkələr - Azərbaycan, Ermənistan, Kamboca, Nepal, Türkiyə və Şri-Lankadır.
Xəbər lenti
0