Azərbaycan hərbçiləri, arxiv şəkli - Sputnik Azərbaycan, 1920, 16.11.2021
Azərbaycan-Ermənistan sərhədində vəziyyət
Vətən müharibəsindən sonra üçtərəfli bəyanatın imzalanması rəğmən sərhəddə erməni təxribatları səngimək bilmir. Ermənistanla sərhəddə son hadisələr barədə Sputnik Azərbaycan-ın süjetində oxuyun.

Şəhid anası: "Bir gündə iki tabut qucaqladım" - Reportaj-Video

© Sputnik / Zulfiyya GuluyevaŞəhid Vadim Qocayev
Şəhid Vadim Qocayev  - Sputnik Azərbaycan, 1920, 14.09.2022
Xəbərlərə abunə olun
НовостиTelegram
25 yaşlı Vadim Qocayevdən ailəsinə yadigar 10 aylıq qızı İlayda və hələ doğulmamış, ana bətnindəykən atasını itirən körpəsi qalıb.
BAKI, 14 sentyabr - Sputnik. Qocayevlər ailəsinin faciəsini ifadə etmək üçün sözlər acizdir. Bir gündə ailənin iki üzvünü əbədi mənzilə yola salan Xalidə Qocayeva həm şəhid oğlu Vadimin, həm də ömür-gün yoldaşı Alikin yasını tutmalı olub. Xalidə ana deyir ki, oğlunun şəhid xəbərinə dözməyib ürəyi dayanan Alik Qocayev bu anları görmədiyi üçün bir valideyn kimi bəlkə də xöşbəxtdir:
"Bir valideyn üçün oğlunun tabutunu qucaqlamaq ən böyük acıdır. Alik oğlumun nəşini gətirməyə gedərkən yolda dua edib ki, Vadimin cansız bədənini görüncə, Allah onun canını alsın. Yoldaşımın bu duasını Allah eşitdi. O, balasının tabutunu qucaqlamadan öldü. Məni isə bu dərdin ortasında tək qoyub getdi".
Dəfələrlə odun-alovun içindən sağ çıxdı, amma...
Vadimin hüzür mərasimində yaxınları ilə söhbət zamanı öyrənirik ki, o altı ildir orduda xidmət edirmiş. Aprel döyüşlərində, İkinci Vətən müharibəsində iştirak edən Vadim odun-alovun içindən sağ çıxsa da, sentyabrın 12-dən 13-ə keçən gecə düşmən təxribatı nəticəsində snayperlə vurularaq şəhid olub.
Şəhidin anası X. Qocayeva oğlu ilə hər gün telefonla danışdığını, Vadimin ona hər dəfə ürək-dirək verdiyini söyləyir:
© Sputnik / Zulfiyya GuluyevaŞəhid Vadim Qocayevin ailəsi
Şəhid Vadim Qocayevin ailəsi - Sputnik Azərbaycan, 1920, 14.09.2022
Şəhid Vadim Qocayevin ailəsi
"Balam elə oğul idi ki, bizə qəti təhlükə barədə heç nə deməzdi. Axırıncı dəfə ölümündən bir gün əvvəl telefonla danışdı. Hər şeyin qaydasında olduğunu söylədi. Çox vaxt görüntülü zəng edirdi. Balamla danışanda onun səsini sonuncu dəfə eşitdiyim ağlıma da gəlməzdi".
Doğulmayan körpəsinin üzünü görmədən şəhid oldu
25 yaşlı Vadim Qocayevdən ailəsinə yadigar 10 aylıq qızı İlayda və hələ doğulmamış, ana bətnindəykən atasını itirən körpəsi qalıb.
Üç oğul anası olan X.Qocayevanın oğlanlarının hamısı orduda xidmət edir: "Böyük oğlum da orduda müddətdən artıq xidmət edir. Vadim isə altı il idi ordudaydı. Balaca oğlum isə əsgərlikdədir".
© Sputnik / Zulfiyya GuluyevaŞəhid Vadim Qocayevin forması
Şəhid Vadim Qocayev  - Sputnik Azərbaycan, 1920, 14.09.2022
Şəhid Vadim Qocayevin forması
"Ürəyi onun səsini eşitdi"
Həm oğlunu, həm də həyat yoldaşını itirən Xalidə ananın yeganə təsəllisi Vadimin Vətən yolunda şəhid olmasıdır: "Yoldaşım bu dərdə dözmədi. Dünən günorta saat 13:00 radələrində oğlumun yaralı xəbəri gəldi. Bizə dedilər ki, ayağından yaralanıb. Ümidimiz vardı ki, bəlkə balam sağ qala. Elə yoldaşım da bu ümidlə Gəncəyə yola düşmüşdü. Yolda elə hey deyib ki, əgər Vadimi gedib sağ görməyəcəmsə, ürəyim ona çatmamış dayansın. Ürəyi onun səsini eşidib. Alikin oğlumuzun tabutuna çatmamış, yoldaca ürəyi dayanıb. Mən bir gündə iki tabut qucaqladım. Biri oğlumun, biri də ömür-gün yoldaşımın".
Müharibədə altı dəfə yaralansa da, yenə döyüşə atıldı
X. Qocayeva deyir ki, Vadim hərbi xidmətdə olduğu müddətdə altı dəfə yaralanıb. Amma heç vaxt döyüş yoldaşlarından geri qalmayıb:
© Sputnik / Zulfiyya GuluyevaŞəhid Vadim Qocayevin ailəsi
Şəhid Vadim Qocayevin ailəsi - Sputnik Azərbaycan, 1920, 14.09.2022
Şəhid Vadim Qocayevin ailəsi
"Axırıncı dəfə yaralananda vəziyyəti ağır idi. Ona həkim döyüşə qayıtmağı məsləhət görməyib. Həkimdən xahiş edib ki, vəziyyətini orta-ağır yazsın. Bundan sonra yaralı vəziyyətdə yenidən döyüşə atılıb. Mən bu Vətən üçün bir cəngavər yetişdirmişdim. Vadim torpağını, Vətənini məndən, ailəsindən, 10 aylıq körpəsindən, hətta hələ doğulmamış körpəsindən çox istədi. Vətən yolunda canını fəda etdi".
Alı Qocayev də qardaşının şəhid olmasından sonra həqiqi hərbi xidmətdən məzuniyyətə buraxılıb. Evin kiçik oğlu olan Alı bir gündə həm qardaşını, həm də atasını dəfn etməyin şokunu yaşayır:
© Sputnik / Zulfiyya GuluyevaŞəhid Vadim Qocayevin yas mərasimi
Şəhid Vadim Qocayev  - Sputnik Azərbaycan, 1920, 14.09.2022
Şəhid Vadim Qocayevin yas mərasimi
"Qardaşımın şəhid xəbəri bizi dərindən sarsıtdı. Atamın ölümü isə ailəmizin sanki "belini qırdı". Tək təsəlimiz qardaşımın Vətən uğrunda şəhid olmasıdır".
Alı qardaşı Vadimlə ölümündən üç gün əvvəl danışdığını söylədi. Dedi ki, qardaşı ona ürək-dirək verərək hər şeyin qaydasında olduğunu, hərbi xidmətdə nümunəvi olmağı tövsiyə edib: "Mənimlə hər dəfə danışanda komandirin tapşırıqlarına riayət etməyimi, Vətənin keşiyində ayıq-sayıq olmağımı tövsiyə edirdi. Sanki, öləcəyini bilirdi. Vətəni bizə əmanət edib özü şəhadətə ucaldı".
Qeyd edək ki, 1997-ci il təvəllüdlü şəhidimiz Qobustanın Sündü kəndindən idi. V.Qocayevin Azərbaycan bayrağına bükülmüş cənazəsi ilə yanaşı ürəktutmadan vəfat edən atasının da cənazəsi Qobustan rayonunda torpağa tapşırılıb.
Xəbər lenti
0