Люди на Площади фонтанов в Баку - Sputnik Azərbaycan, 1920
CƏMİYYƏT
Cəmiyyətin həyatında baş verən aktual hadisələr

Nazirlik sosial şəbəkələrdən istifadəyə məhdudiyyət qoyulması məsələsinə aydınlıq gətirib

© AFP 2022 / OLIVIER DOULIERYSoaial şəbəkələr, arxiv şəkli
Soaial şəbəkələr, arxiv şəkli - Sputnik Azərbaycan, 1920, 14.09.2022
Xəbərlərə abunə olun
НовостиTelegram
Son günlər Azərbaycanla Ermənistan arasında baş verənlərlə bağlı TikTok" və "Telegram"ın bloklanmasına dair məlumatlar yayılıb.
BAKI, 14 sentyabr — Sputnik. Rəqəmsal İnkişaf və Nəqliyyat Nazirliyi ölkədə sosial şəbəkələrdən istifadəyə məhdudiyyət qoyulması, o cümlədən "TikTok""Telegram"ın bloklanması ilə bağlı iddialara münasibət bildirib.
Nazirlikdən "Report"a bildirilib ki, yayılan məlumatlar həqiqəti əks etdirmir.
"Nazirlik heç bir internet resursuna məhdudiyyət qoymayıb", - deyə qurum bəyan edib.
Qeyd edək ki, son günlər Azərbaycanla Ermənistan arasında baş verənlərlə bağlı "TikTok" və "Telegram"ın bloklanmasına dair məlumatlar yayılıb.
Xatırladaq ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Genişmiqyaslı təxribatın qarşısı alınarkən Azərbaycan Ordusundan 42, Dövlət Sərhəd Xidmətindən isə 8 hərbi qulluqçu olmaqla ümumilikdə Silahlı Qüvvələrin 50 hərbi qulluqçusu şəhid olub.
Müdafiə Nazirliyinin bu gün yaydığı məlumata görə, Ermənistan silahlı qüvvələrinin bölmələri D-30, D-20 topları və 82 millimetrlik minaatanlardan da istifadə etməklə Azərbaycan Ordusunun Kəlbəcər, Laçın və Daşkəsən rayonları istiqamətlərində yerləşən mövqelərini atəşə tutmaqda davam edir.
Sentyabrın 14-ü saat 14:44-dən etibarən isə Ermənistan silahlı qüvvələrinin bölmələri Azərbaycan Ordusunun Kəlbəcər rayonu istiqamətində yerləşən mövqelərini minaatanlardan və artilleriya qurğularından atəşə tutur.
Bölmələrimiz tərəfindən cavab tədbirləri görülür və qarşı tərəfin atəş məntəqələri məhv edilir.
Xəbər lenti
0