https://sputnik.az/20220913/mekteblileri-sumuk-xestesine-ceviren-yuk-canta-alarken-neye-diqqet-etmeli-445944347.html

Məktəbliləri sümük xəstəsinə çevirən yük: Çanta alarkən nəyə diqqət etməli?

Məktəbliləri sümük xəstəsinə çevirən yük: Çanta alarkən nəyə diqqət etməli?

Sputnik Azərbaycan

Təhsil ekspertinin hesablamasına görə, 1-ci sinfə gedən uşaqlar çəkisi 7 kq-a qədər olan çantaları daşımalı olurlar. Halbuki çantanın ağırlığı uşağın çəkisinin... 13.09.2022, Sputnik Azərbaycan

2022-09-13T10:15+0400

2022-09-13T10:15+0400

2022-09-13T10:15+0400

məktəbli

çanta

cəmiyyət

ağırlıq

https://cdnn1.img.sputnik.az/img/07e5/09/16/427985158_361:523:3072:2048_1920x0_80_0_0_12327e26b5a906e52a281e15fa1f85bb.jpg

BAKI, 13 sentyabr — Sputnik. Yeni tədris ili ərəfəsi satışda olan məktəbli çantalarının qiyməti ilə yanaşı, ölçüsü və çəkisi də valideynləri narahat edən əsas məqama çevrilib. Xüsusilə ibtidai siniflər üçün məktəbli çantalarının böyük və ağır olması şagirdlərin boyu və çəkisi ilə tərs mütənasibdir.Məktəbli çantaları uşaqların belini əyirPediatr Vaqif Qarayev Sputnik Azərbaycan-a açıqlamasında bildirib ki, məktəbli çantaları yüngül olmalıdır. Son zamanlar uşaqların onurğa sütununda deformasiyalar artıb. Məktəbli çantalarının ağır və böyük olması isə bu problemi daha da artırır:V.Qarayevin sözlərinə görə, ləvazimatla birlikdə çantanın ağırlığı uşağın çəkisinin 10 faizini təşkil etməlidir. Əgər uşaq altı yaşındadırsa və onun çəkisi 22 kiloqramdırsa, bu zaman çantanın çəkisi 2,2 kiloqram olmalıdır."Amerika Birləşmiş Ştatlarında həkimlər hesab edir ki, birinci sinifdə ləvazimatla birlikdə çantanın çəkisi 1,2, ikinci sinifdə 1,6, üçüncü sinifdə 2-3, dördüncü sinifdə isə 2,6 kiloqram olmalıdır. Əks halda uşaqlarda skolioz yarana bilər. Çiyin asqıları enli və ortopedik olan çantalar seçilməlidir. Bu zaman çantanın boş vəziyyətdəki ağırlığına diqqət edilməlidir. Ağır çanta uzun müddət daşındığı vaxt, uşaqlarda onurğa probleminə səbəb olur", - ekspert deyib.Uşaqların çantalarını valideynləri daşıyırTəhsil eksperti Kamran Əsədov isə bu qənaətdədir ki, çantaları ağır edən içərisindəki kitab və məktəbli ləvazimatlarıdır. Bundan başqa, bir çox şagirdlər özləri ilə yemək və su götürür ki, bu da çantanın daha da ağırlaşmasına gətirib çıxarır. Bu səbəbdən də ibtidai siniflərdə uşaqların çantalarını valideynləri daşımalı olur:"Beynəlxalq təcrübə və qəbul olunan prinsiplərə görə, çantanın çəkisi uşağın çəkisinin 14-15%-ni keçməməlidir. Səkkiz yaşınadək olan uşaqlar 2 kiloqram, 8-12 yaşınadək uşaqlar ən çox 4, 12-15 yaş uşaqlar isə 5 kiloqram ağırlığında çanta götürməlidirlər. İçində heç nə olmayan çantanın çəkisi 700 qramı keçməməlidir. Valideynlər isə çantanı əsasən xarici görünüşünə, uşağın zövqünə uyğun alırlar".Ekspertin fikrincə, kitablar çap olunarkən çəkisi diqqətdə saxlanılmalıdır:Hamı böyük çanta alırSatıcı Aytac Muradova Sputnik Azərbaycan-a açıqlamasında bildirib ki, valideynlər ölçüsü iri çantalara üstünlük verirlər. İstəyirlər ki, uşağın bütün ləvazimatları, yemək, su qabı çantaya sığsın.Çantanın üstündəki şəkillərə, bəzəyə diqqət edənlər də çoxdur. Uşaqlar daha çox cizgi filmi qəhrəmanlarının şəkli olan çantaları xoşlayırlar.Satıcının sözlərinə görə, Türkiyə istehsalı olan çantalara təlabat böyükdür.Çantaların qiyməti isə 25-150 manat arasındadır. A.Muradova ən çox qiyməti 50 manatadək olan çantalara tələbatın yüksək olduğunu söyləyib.

2022

xəbərlər

ru_AZ

məktəbli, çanta, ağırlıq