Сьемка, фото из архива - Sputnik Azərbaycan, 1920
VİDEO
Ölkənin və dünyanın müxtəlif yerlərindən maraqlı və aktual görüntülər

Şimal-Cənub Beynəlxalq Nəqliyyat Dəhlizinin İnkişafı nə vəd edir?

Xəbərlərə abunə olun
НовостиTelegram
Bakıda Şimal-Cənub Beynəlxalq Nəqliyyat Dəhlizinin İnkişafı üzrə Azərbaycan, Rusiya və İran rəsmiləri arasında görüş keçirilib.
Bu gün Bakıda Şimal-Cənub Beynəlxalq Nəqliyyat Dəhlizinin İnkişafı üzrə Azərbaycan, Rusiya və İran rəsmiləri arasında görüş keçirildi. Görüşdə Azərbaycan tərəfdən Baş nazirin müavini Şahin Mustafayev, Rusiya tərəfdən Baş nazirinin müavini Aleksandr Novak, İran tərəfdən isə yollar və şəhərsalma naziri Rüstəm Qasemi iştirak edib.
Tədbirdə müntəzəm daşıma xidmətlərinin yaradılmasını təşviq etmək də daxil olmaqla, Azərbaycan, İran və Rusiyanın yüksək intermodal tranzit potensialından maksimum istifadə etmək, bu məqsədlə Şimal-Cənub Beynəlxalq Nəqliyyat Dəhlizini inkişaf etdirmək üçün əməkdaşlığın daha da gücləndirilməsinin vacibliyi qeyd edilib.
Aleksandr Novak görüş zamanı bildirib ki, beynəlxalq nəqliyyat dəhlizinin yaradılması Rusiya, İran və Azərbaycan arasında üçtərəfli əməkdaşlığın çox mühüm sahəsidir.
Onun sözlərinə görə, "Şimal-Cənub" Beynəlxalq Nəqliyyat Dəhlizi ilə daşınmalar üçün logistika xidmətinin yaradılması imkanlarının nəzərdən keçirilməsi təklif edilir.
Şahin Mustafayev isə öz növbəsində qeyd edib ki, bu ilin yanvar-avqust aylarında Azərbaycan ərazisi ilə tranzit yük daşımaları ötən ilin eyni dövrü ilə müqayisədə 47% çox olub:

"Şimal-Cənub və Şərq Qərb beynəlxalq nəqliyyat dəhlizlərinin mərkəzində yerləşən Azərbaycan hazırda regionun mühüm nəqliyyat və logistika mərkəzinə çevrilib. Sərhəd-keçid məntəqələrinin buraxılış imtahanlarının artırılması, yenilərinin tikintisi, keçid prosedurlarının sadələşdirilməsi ölkəmiz üzərindən yükdaşımaların həcminin artırılmasına zəmin yaradır".

Öz növbəsində İranın yollar və şəhər inkişafı naziri Rüstəm Qasemi isə qeyd edib ki, "Şimal-Cənub" Beynəlxalq Nəqliyyat Dəhlizi çərçivəsində yük tranziti prosesi ilə bağlı vizaların verilməsi asanlaşdırılmalıdır.
İranlı nazirin sözlərinə görə, bu gün əldə edilən razılıq "Şimal -Cənub" Nəqliyyat Dəhlizi üçün dönüş nöqtəsidir və üç ölkənin (Azərbaycan, Rusiya və İran) tranzit imkanlarının artırılması baxımından böyük təşəbbüsləri var: "Bunların hamısı ticarətin inkişafına, o cümlədən vaxta qənaət və xərc baxımından fayda verəcək. Burada bütün iştirakçılar üçün hesab edilən üstünlüklər var, bu istiqamətdə həyata keçirilən səylər ümidvericidir.
Xatırladaq ki, 2000-ci il 12 sentyabr tarixində Rusiya, İran və Hindistan arasında imzalanmış hökumətlərarası Saziş əsasında "Şimal-Cənub" Nəqliyyat Dəhlizinin təməli qoyulub. Azərbaycan bu sazişə 2005-ci ildə qoşulub. Ümumilikdə, 13 ölkə sözügedən sazişi ratifikasiya edib (Azərbaycan, Belarus, Bolqarıstan, Ermənistan, Hindistan, İran, Qazaxıstan, Qırğızıstan, Oman Sultanlığı, Rusiya Federasiyası, Tacikistan, Türkiyə, Ukrayna).
Dəhlizin yaradılmasında məqsəd Hindistandan Rusiyaya, eləcə də Şimali və Qərbi Avropaya gedən yüklərin çatdırılma müddətini azaltmaqdır.
Xəbər lenti
0